ବାଲେଶ୍ବର: ଧରାପୃଷ୍ଠରୁ ମେଲାଣି ନେଇଛନ୍ତି ମା' ଦୁର୍ଗା । ସମସ୍ତ ରୀତିନୀତିରେ ମା'ଙ୍କ ଆବାହନ କରାଯାଇଥିବା ବେଳେ ଆଜି(ଶନିବାର) ଭକ୍ତ ଦେଇଛି ମା'ଙ୍କୁ ମେଲାଣି । ବାଲେଶ୍ଵରର 50ଟି ସ୍ଥାନରେ ହୋଇଥିବା ସାର୍ବଜନୀନ ପୂଜା ପେଣ୍ଡାଲରୁ ମା'ଙ୍କୁ ନେଇ ବାଲିଘାଟଠାରେ ହୋଇଥିବା ଅସ୍ଥାୟୀ ପୋଖରୀରେ ବିସର୍ଜନ କରାଯାଇଛି ।
ମେଲାଣି ନେଲେ ମା' ଦୁର୍ଗା, ବାଲେଶ୍ବରରେ ଭସାଣି ଉତ୍ସବ ଶେଷ
ଏହାସହ ଅନେକ ଘରୋଇ ପୂଜାରେ ମଧ୍ୟ ମା'ଙ୍କୁ ନଦୀରେ ବିସର୍ଜନ କରାଯାଇଛି । ଚଳିତ ବର୍ଷ କୋଭିଡ଼ କଟକଣା ଭିତରେ ପୂଜା ଅନୁଷ୍ଠିତ ହୋଇଥିଲା । ପୂଜା ମଣ୍ଡପଗୁଡ଼ିକୁ ଭକ୍ତଙ୍କ ପ୍ରବେଶ ଉପରେ ବାରଣ କରାଯାଇଥିଲା । ଭକ୍ତମାନେ ଘରେ ବସି ଟେଲିଭିଜନରେ ମା'ଙ୍କ ପୂଜାର୍ଚ୍ଚନା ଦେଖିଥିଲେ । ସଂକ୍ରମଣ ଭୟ ଯୋଗୁଁ ରାଜ୍ୟ ସରକାର ଏପରି ନିଷ୍ପତ୍ତି ନେଇଥିଲେ ।
ସେପଟେ ଭସାଣି ପାଇଁ ସରକାର କଟକଣା ଲଗାଇଥିଲେ ମଧ୍ୟ ସହରରେ ସାମାନ୍ୟ ଭିଡ଼ ପରିଲକ୍ଷିତ ହୋଇଛି । ରୀତିନୀତି ଅନୁଯାୟୀ ଜିଲ୍ଲାରେ ଭସାଣି ଉତ୍ସବ ଶେଷ ହୋଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
