ବାଲେଶ୍ବର: କୋଭିଡ ଗାଇଡ଼ ଲାଇନ ଉଲଙ୍ଘନ କରି ମଦ ବିକ୍ରି କରୁଥିବା ବେଳେ ମଦ ବାର ଉପରେ ଚଢାଉ କରିଛି ପୋଲିସ । ବାର ମାଲିକଙ୍କୁ ଗିରଫ କରିବା ସହ ଫାଇନ ମଧ୍ୟ ଆଦାୟ କରିଛି ଜଳେଶ୍ବର ଥାନା ପୋଲିସ । ଘଟଣାଟି ହେଉଛି ବାଲେଶ୍ଵର ଜିଲ୍ଲା ଜଳେଶ୍ବର ଥାନା ଅଞ୍ଚଳର । ଏଠାରେ ଥିବା ଶାନ୍ତି ନାମକ ଏକ ବାର ସରକାରୀ ନିୟମ ମୁତାବକ ଅନଲାଇନ ମଦ ବିକ୍ରି ନକରି ଦୋକାନରେ ମଦ ବିକ୍ରି କରୁଥିବା ଅଭିଯୋଗ ହୋଇଥିଲା ।
ବାଲେଶ୍ବରରେ ବେଆଇନ ମଦ ବିକ୍ରି ଅଭିଯୋଗ, ବାର ମାଲିକ ଗିରଫ
ବେଆଇନ ଭାବେ ଅଫଲାଇନ ମଦ ବିକ୍ରି ସମ୍ପର୍କରେ ଜଳେଶ୍ବର ଥାନା ପୋଲିସ ଖବର ପାଇ ବାର ଉପରେ ଅତର୍କିତ ଚଢାଉ କରିଥିଲା । ଚଢାଉରେ ବାର ମାଲିକଙ୍କୁ ଗିରଫ କରାଯିବା ସହ 14 ହଜାର ନଗଦ ଟଙ୍କା ଜବତ କରିଛି ପୋଲିସ । ଏଥିସହ ବାରରେ ମଦ ଷ୍ଟକ ଦେଖିବା ପରେ ସିଲ କରାଯିବା ନେଇ ସୂଚନା ମିଳିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
