ବାଲେଶ୍ବର: ବାଲେଶ୍ଵର ସଦର ଉପନିର୍ବାଚନ ପାଇଁ 3 ପ୍ରମୁଖ ଦଳ ପକ୍ଷରୁ ବିଧାୟକ ପ୍ରାର୍ଥୀଙ୍କ ନାମ ଘୋଷଣା ହୋଇସାରିଛି । ଇତିମଧ୍ୟରେ ବିଜେପି ବିଧାୟକ ପ୍ରାର୍ଥୀ ମାନସ ଦତ୍ତ ପ୍ରଚାର ମୈଦାନକୁ ଓହ୍ଲାଇଛନ୍ତି । ତେବେ ସେ ପ୍ରଚାରର ମୁଖ୍ୟ ଆୟୁଧ ଲୋକସମ୍ପର୍କକୁ ରଖିଛନ୍ତି । ଆଉ ତୃଣମୂଳ ସ୍ତରର ଭୋଟରଙ୍କୁ ଟାର୍ଗେଟ ରଖିଛନ୍ତି ।
ବାପାଙ୍କ ଅଧୁରା ସ୍ବପ୍ନ ପୂରଣ କରିବି; ମାନସ ଦତ୍ତ
ଅନ୍ୟ ପ୍ରାର୍ଥୀଙ୍କ ତୁଳନାରେ ମାନସ ସର୍ବ କନିଷ୍ଠ ହୋଇଥିବା ବେଳେ ଯୁବଗୋଷ୍ଠୀଙ୍କ ସମର୍ଥନ ରହିବ ବୋଲି ସେ ଆଶାବ୍ୟକ୍ତ କରିଛନ୍ତି । ଏହାସହ ବାପାଙ୍କ ଅଧୁରା ସ୍ୱପ୍ନ ପୂରଣ କରିବାର ଲକ୍ଷ୍ୟ ନେଇ ପ୍ରଚାର ଆରମ୍ଭ କରିଥିବା ମାନସ ପ୍ରତି ସ୍ତରର ଲୋକଙ୍କୁ ଭେଟିଛନ୍ତି । ସ୍ବର୍ଗତ ବିଧାୟକ ମଦନ ମୋହନ ଦତ୍ତଙ୍କ ପ୍ରତି ଲୋକଙ୍କର ଯେଉଁ ଭଲ ପାଇବା ଥିଲା ତାହାକୁ ପାଥେୟ କରି ଭୋଟ ହାତେଇବା ପାଇଁ ମାନସ ପ୍ରୟାସ ଜାରି ରଖିଥିବା ଜଣାପଡିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
