ବାଲେଶ୍ବର: ମହିଳାଙ୍କୁ ଅଶାଳୀନ ବ୍ୟବହାର ଅଭିଯୋଗରେ ପୂର୍ବତନ ମନ୍ତ୍ରୀ ପଦ୍ମଲୋଚନ ପଣ୍ଡାଙ୍କ ପୁଅ ବେଣୁମାଧବ ପଣ୍ଡା ଗିରଫ । ଏକ ବିବାହ ଭୋଜିରେ ଉପୁଜିଥିବା ବିବାଦ ପରେ ଏପରି ଘଟଣା ସାମ୍ନାକୁ ଆସିଛି । ତେବେ ଏ ନେଇ 2 ପାର୍ଶ୍ବରୁ ମାମଲା ରୁଜୁ କରାଯାଇଥିଲା । ଘଟଣାକୁ ନେଇ ଅଧିକ ତଦନ୍ତ କରାଯାଉଥିବା ନେଇ ବାଲେଶ୍ବର ଏସଡିପିଓ ସୂଚନା ଦେଇଛନ୍ତି ।
ଗତ 3 ଦିନ ତଳେ ସିମୁଳିଆର ଏକ ବିବାହ ଭୋଜିରେ କୌଣସି କାରଣରୁ ଗଣ୍ଡଗୋଳ ସୃଷ୍ଟି ହୋଇଥିଲା । ଏଥିରେ ଜଣେ ଯୁବକ ଆହତ ହୋଇଥିଲେ । ଏହାକୁ ନେଇ ସେଠାରେ ଉପସ୍ଥିତ ଥିବା ବେଣୁମାଧବ ପଣ୍ଡା ଏହାକୁ ପ୍ରତିବାଦ କରିଥିଲେ । ଏହାପରେ ପୋଲିସ ଏହି ଘଟଣାରେ 2 ଜଣଙ୍କୁ ଗିରଫ କରିଥିଲା ।
ପରେ ଗିରଫ ବ୍ୟକ୍ତିଙ୍କ ସ୍ତ୍ରୀ ବେଣୁମାଧବଙ୍କ ବିରୋଧରେ ଅଶାଳୀନ ବ୍ୟବହାର କରିବା ସହ ଦୁଷ୍କର୍ମ ଉଦ୍ୟମ କରିଥିବା ଅଭିଯୋଗ କରିଥିଲେ । ପୋଲିସ ଘଟଣାରେ ମାମଲା ରୁଜୁ କରି ବେଣୁମାଧବଙ୍କୁ ପ୍ରଥମେ ଅଟକ ରଖିଥିଲା । ଏବହାପରେ ପଚାରାଉଚରା ପାଇଁ ତାଙ୍କୁ ସୋର ଥାନାକୁ ନିଆଯାଇଥିବାବେଳେ ଏବେ ତାଙ୍କୁ ଗିରଫ କରାଯାଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
