ବାଲେଶ୍ବର: ସିଂଲା ଥାନା ରଘୁନାଥପୁର ପଞ୍ଚାୟତ ଗିଲାଯୋଡିରେ ଅଘଟଣ । ଆଖୁବାଡିରେ ପୋଡି ହୋଇ ଚାଷୀ ମୃତ । ଆଖୁବାଡିରେ ନିଆଁ ଲଗାଇବାକୁ ଯାଇ ପୋଡି ହୋଇ ଚାଷୀ କାଳୀଚରଣ ଜେନାଙ୍କ ମୃତ୍ୟୁ ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୂଚନା ଅନୁସାରେ, ଗିଲାଯୋଡି ଗ୍ରାମର ଆଖୁଚାଷୀ କାଳୀଚରଣ ଜେନା ନିଜ ଆଖୁବାଡିକୁ ନିଆଁ ଲଗାଇବାକୁ ଯାଇଥିଲେ । ହେଲେ ନିଆଁ ଲଗାଇବା ପରେ ସେ ଆଉ ଆଖୁ ବାଡି ଭିତରୁ ବାହାରି ପାରି ନଥିଲେ । ଘଟଣାସ୍ଥଳରେ ହିଁ କାଳୀଚରଣ ନିଆଁରେ ପୋଡି ହୋଇ ମୃତ୍ୟୁବରଣ କରିଥିବା ଜଣାପଡିଛି । ତେବେ ଖବର ପାଇ ବସ୍ତା ଦମକଳ ବାହିନୀ ଘଟଣାସ୍ଥଳରେ ପହଞ୍ଚିଥିଲା । ଏପଟେ ସିଂଲା ପୋଲିସ ଘଟଣାର ତଦନ୍ତ ଆରମ୍ଭ କରିଛନ୍ତି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
