ବାଲେଶ୍ବର: ରାଜ୍ୟର ସମସ୍ତ କଲେଜରେ ଚଳିତ ବର୍ଷ ନିର୍ବାଚନ ବାତିଲ ହେବାର ବିଜ୍ଞପ୍ତି ଗତକାଲି ପ୍ରକାଶ ପାଇଛି । ଫଳରେ ବାଲେଶ୍ବର ଜିଲ୍ଲାର ବିଭିନ୍ନ କଲେଜର ଛାତ୍ରନେତାଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ଛାତ୍ରଛାତ୍ରୀଙ୍କ ପ୍ରତିକ୍ରିୟା ଜାଣିବା ପାଇଁ ଇଟିଭି ଭାରତ ରିପୋର୍ଟର ବାଲେଶ୍ବର ଫକୀର ମୋହନ କଲେଜରେ ପହଞ୍ଚିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ତେବେ ଆଶାୟୀ ପ୍ରାର୍ଥୀମାନେ ସୁଯୋଗ ହରାଇଥିବାରୁ ଦୁ୍ଃଖରେ ଭାଙ୍ଗି ପଡିଥିବା କହିଛନ୍ତି ଛାତ୍ରମାନେ । ଆଉ କେତେକ ଛାତ୍ରମାନେ ନିର୍ବାଚନ ବାତିଲ ପଦକ୍ଷେପକୁ ସ୍ବାଗତ କରିଛନ୍ତି । ସେହିପରି କଲେଜରେ ଗଣ୍ଡଗୋଳ ସୃଷ୍ଟିର ମୁଖ୍ୟ କାରଣ ବାହାର ନେତାଙ୍କ ମାତ୍ରାଧିକ ହସ୍ତକ୍ଷେପ ବୋଲି ଛାତ୍ରମାନେ କହିଥିଲେ।
ଏଥିସହ ଲିଙ୍ଗଡୋ କମିଶନ ନିୟମକୁ ଆହୁରି କଡାକଡି କରିବା ସହ କଲେଜ ନିର୍ବାଚନ ଶୃଙ୍ଖଳିତ ବ୍ୟବସ୍ଥା କରିବା ପାଇଁ କିଛି ଛାତ୍ରମାନେ ଦାବି କରିଛନ୍ତି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
