ବାଲେଶ୍ବର: ଫନି ପ୍ରଭାବିତ ଅଞ୍ଚଳକୁ ସହାୟତା ପଠାଉଛନ୍ତି ସରକାର । ତେବେ ସମସ୍ତ ଅଞ୍ଚଳରେ ସରକାରୀ ସହାୟତା ପହଞ୍ଚି ପାରୁନଥିବା ବାଲେଶ୍ବର ଜିଲ୍ଲାର ଜଳେଶ୍ବର ତହସିଲ ପକ୍ଷରୁ ଅଭିଯୋଗ ଆସିଛି । ଏନେଇ ଜଳେଶ୍ବର ତହସିଲ ସମ୍ମୁଖରେ ସିପିଆଇଏମ ପକ୍ଷରୁ 5ଦଫା ଦାବି ନେଇ ଧାରଣା ଦିଆଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୂଚନା ଅନୁସାରେ, ବାତ୍ୟା ଫନି ଦ୍ବାରା ସୁଗୋ ପଞ୍ଚାୟତରେ ଅନେକ କ୍ଷୟକ୍ଷତି ହୋଇଥିବା ବେଳେ ଏ ପର୍ଯ୍ୟନ୍ତ ସରକାରୀ ସ୍ତରରେ କୌଣସି ତଦନ୍ତ କରାଯାଇ ନାହିଁ । ଭାଙ୍ଗି ଯାଇଥିବା ଘରକୁ ପଲିଥିନ ଟିଏ ମଧ୍ୟ ସହାୟତା ମିଳିପାରି ନଥିବା ଅଭିଯୋଗ ହୋଇଛି । ଏହାସହ କ୍ଷତିଗ୍ରସ୍ତ ଧାନ ଚାଷୀଙ୍କ ଧାନକୁ ସରକାର ମଣ୍ଡି ମାଧ୍ୟମରେ ତୁରନ୍ତ କିଣିବା ପାଇଁ ମଧ୍ୟ ଦାବି ହୋଇଛି ।
ଦୀର୍ଘ ସମୟ ଧାରଣା ପରେ ଜଳେଶ୍ବର ମ୍ୟୁନସିପାଲଟି ଅଧିକାରୀ ହୃଷିକେଶ ପାଣି ତହସିଲରେ ପହଞ୍ଚି ଆନ୍ଦୋଳନ କାରୀଙ୍କ ସହ ଆଲୋଚନା କରି ପ୍ରତିଶ୍ରୁତି ପରେ ଧାରଣା ପ୍ରତ୍ୟାହୃତ ହୋଇଥିଲା ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
