ବାଲେଶ୍ବର: ଓଲଟିଲା ଗୋରୁ ବୋଝେଇ କଣ୍ଟେନର । ଘଟଣାସ୍ଥଳରେ 30 ଗୋରୁ ଓ 3 ବ୍ୟକ୍ତି ମୃତ । ବାଲେଶ୍ବର ଜିଲ୍ଲା ବସ୍ତା ଥାନା 60 ନମ୍ବର ଜାତୀୟ ରାଜପଥର ଗାନ୍ଧିଛକ ନିକଟରେ ଘଟିଛି ଏହି ଦୁର୍ଘଟଣା । ଏଠାରେ ଏକ ଗୋରୁ ବୋଝେଇ କଣ୍ଟେନର ବୋଲେରୋକୁ ଧକ୍କା ଦେବା ଫଳରେ 30 ରୁ ଊର୍ଦ୍ଧ୍ଵ ଗୋରୁଙ୍କ ମୃତ୍ୟୁ ହେବା ସହ ଟ୍ରକରେ ଥିବା 3 ଜଣଙ୍କ ମୃତ୍ୟୁ ହୋଇଛି ।
ସୂଚନା ଅନୁସାରେ, ଭଦ୍ରକ ପଟୁ 100 ରୁ ଊର୍ଦ୍ଧ୍ଵ ଗୋରୁ ବୋଝେଇ କରି ଏକ କଣ୍ଟେନର ପଶ୍ଚିମବଙ୍ଗ ଅଭିମୁଖେ ଯାଉଥିବା ବେଳେ ଗାନ୍ଧିଛକ ନିକଟରେ ଏକ ବୋଲେରୋକୁ ଧକ୍କା ଦେଇ ରାସ୍ତାର 30 ଫୁଟ ତଳକୁ ଖସି ପଡ଼ିଥିଲା । ଫଳରେ କଣ୍ଟେନର ତଳେ ଗୋରୁ ସମେତ ଡ୍ରାଇଭର ଓ ହେଲ୍ପର ଚାପି ହୋଇ ରହିଥିଲେ । ଘଟଣାସ୍ଥଳରେ ଅଗ୍ନିଶମ ବାହିନୀ ଓ ପୋଲିସ ପହଞ୍ଚି ମୃତଦେହ ଉଦ୍ଧାର କରିଛି । ଅନ୍ୟପଟେ ବୋଲେରୋରେ ଥିବା ଦୁଇଜଣ ଗୁରୁତର ହୋଇଥିବା ସୂଚନା ମିଳିଛି । ତେବେ ରାଜରାସ୍ତା କଡରେ ଅନେକ ଥାନା ଥିବା ବେଳେ ଏମିତି ବେଆଇନ ଗୋ ଚାଲାଣ ରୋକିବାରେ ପୋଲିସର କାର୍ଯ୍ୟଦକ୍ଷତା ଉପରେ ଆଙ୍ଗୁଳି ନିର୍ଦ୍ଦେଶ କରୁଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
