ବାଲେଶ୍ବର: ଫନି ପ୍ରଭାବରେ ପୁରୀରେ ବ୍ୟାପକ କ୍ଷୟକ୍ଷତିକୁ ଦେଖି ବିଭିନ୍ନ ସଂସ୍ଥା ଓ ସଂଗଠନ ସହଯୋଗର ହାତ ବଢାଇଥିବାବେଳେ ବାଲେଶ୍ବର ଜିଲ୍ଲାର କିଛି ଯୁବଗୋଷ୍ଠୀ ମଧ୍ୟ ସହାୟତା ପାଇଁ ଅଣ୍ଟା ଭିଡିଛନ୍ତି ।
ବାଲେଶ୍ବରର ଯୁବକମାନେ ପୁରୀର ବିଭିନ୍ନ ଅଞ୍ଚଳରେ ରିଲିଫ ବାଣ୍ଟିଥିବା ଦେଖିବାକୁ ମିଳିଛି । ଖଇରା ବ୍ଲକ ଗଣ୍ଡିବେଡ଼ ଅଞ୍ଚଳର ଯୁବ ସମାଜସେବୀ ରାଜେଶ ମହାକୁଡ଼ଙ୍କ ନେତୃତ୍ବରେ କିଛି ଯୁବକ ପୁରୀରେ ବାତ୍ୟା ପ୍ରଭାବିତ ଅଞ୍ଚଳରେ ରିଲିଫ ବାଣ୍ଟିବା ପାଇଁ ଚିନ୍ତା କରିଥିଲେ ।
ଏକ ଟ୍ରକରେ ଚୁଡା, ମହମବତୀ, ପାଣିବୋତଲ ଭଳି ଅତ୍ୟାବଶକୀୟ ସାମଗ୍ରୀ ନେଇ ଯୁବଗୋଷ୍ଠୀମାନେ ପୁରୀ ଅଭିମୁଖେ ଯାଇ ସେଠାରେ ନରେନ୍ଦ୍ର ପୋଖରୀ ପାଖ ହାଡ଼ି ସାହି, ମାଲତୀପାଟଣା, ମଙ୍ଗଳା ଛକ ଆଦି ସ୍ଥାନରେ ବାତ୍ୟା ପ୍ରପୀଡ଼ିତ ଲୋକଙ୍କୁ ରିଲିଫ ବାଣ୍ଟିଛନ୍ତି ।
ଯୁବଗୋଷ୍ଠୀଙ୍କ ଏହି ରିଲିଫ ବଣ୍ଟନ କାର୍ଯ୍ୟରେ ପୁରୀ ଡିସିପି ଜ୍ଞାନେନ୍ଦ୍ର ମହାପାତ୍ର, ଆଇଜି ଏସକେ ପ୍ରିୟଦର୍ଶୀ, ଟାଉନ ଆଇଆଇସି ସୁଜିତ କୁମାର ଦାସ ତଥା ଅନ୍ୟ ଅଧିକାରୀମାନେ ଯୁବଗୋଷ୍ଠୀଙ୍କୁ ରିଲିଫ ବଣ୍ଟନରେ ସାହାଯ୍ୟ କରିଛନ୍ତି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
