ବାଲେଶ୍ବର: ଏଥର ଆଉ ସଚେତନ ନୁହେଁ, ସିଧାସଳଖ ଆକ୍ସନ ମୁଡରେ ଜିଲ୍ଲା ପ୍ରଶାସନ । ବାରମ୍ବାର ପଲିଥିନ ବ୍ୟବହାର ନ କରିବାକୁ ସଚେତନ କରିବା ପରେ ଆଜି ପୌରପାଳିକା ପକ୍ଷରୁ ବିଭିନ୍ନ ଦୋକାନ ବଜାରରେ ଚଢାଉ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଏଥିପାଇଁ ପୌରପାଳିକା ପକ୍ଷରୁ 3ଟି ଟିମ ଗଠନ କରାଯାଇଛି । ଏହି ଟିମ୍ ସହରର ମୋତିଗଞ୍ଜ ବଜାରରେ ପ୍ରଥମେ ଚଢ଼ାଉ ଆରମ୍ଭ କରିଥିଲା । ମାଛ ଦୋକାନ ଠାରୁ ଆରମ୍ଭ କରି ଫଳ, ପରିବା, ଗ୍ରୋସରି ଆଦି ଦୋକାନରେ ପଲିଥିନ ବ୍ୟବହାର ବନ୍ଦ କରିବା ପାଇଁ ନିର୍ଦ୍ଦେଶ ଦିଆଯାଇଛି।
ଆଗାମୀ ଦିନରେ ପଲିଥିନ ବ୍ୟବହାର କଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଚେତାବନୀ ଦେଇଛି ପୌରପାଳିକା । ଏହି ଚଢ଼ାଉରେ ପୌରପାଳିକା ହେଲଥ ଇନିସ୍ପେକ୍ଟରଙ୍କ ସମେତ ଅନ୍ୟ ଅଧିକାରୀମାନେ ଉପସ୍ଥିତ ଥିଲେ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
