ଭୁବନେଶ୍ବର: ଚାକିରି ଖୋଜୁଛନ୍ତି କି ? ରାଜ୍ୟ ସରକାର ଆଣିଛନ୍ତି ସୁଯୋଗ । ଏଲଟିଆର ଶିକ୍ଷକ ପାଇଁ ବାହାରିଛି ନିଯୁକ୍ତି । ଓଡ଼ିଶା ଷ୍ଟାଫ୍ ସିଲେକ୍ସନ କମିଶନ ପକ୍ଷରୁ ସରକାରୀ ମାଧ୍ୟମିକ ବିଦ୍ୟାଳୟ ପାଇଁ ଲିଭ୍ ଟ୍ରେନିଂ ରିଜର୍ଭ (ଏଲଟିଆର) ଶିକ୍ଷକ ନିଯୁକ୍ତି ନେଇ ବିଜ୍ଞପ୍ତି ପ୍ରକାଶ ପାଇଛି । ମୋଟ ୬୦୨୫ ଶିକ୍ଷକ ପଦବୀ ପୂରଣ କରାଯିବା ନେଇ ଲକ୍ଷ୍ୟ ରଖାଯାଇଛି । ତେବେ ବିଶେଷ ଭାବରେ ମହିଳା ଆବେଦନକାରୀମାନଙ୍କ ପାଇଁ ଏକ ତୃତୀୟାଂଶ ଅର୍ଥାତ ୧୯୮୮ ରୁ ଅଧିକ ପଦବୀ ରହିଛି । ବିଶେଷ ଭାବରେ ପ୍ରାର୍ଥୀମାନେ ଓଏସଏସସିର ଅଫିସିଆଲ ୱେବସାଇଟ ossc.gov.in ମାଧ୍ୟମରେ ପଦବୀକୁ ନେଇ ଅଧିକ ସୂଚନା ପାଇପାରିବେ ।
କେଉଁ ପଦବୀ ପାଇଁ କେତେ ଦରମା:-
- ଟିଜିଟି ଆର୍ଟସ ପଦବୀ ପାଇଁ ୧୯୮୪ ପଦବୀ ରହିଥିବା ବେଳେ ଦରମା ୩୫ ହଜାର ୪୦୦ ଟଙ୍କା।
- ଟିଜିଟି ସାଇନ୍ସ (ପିସିଏମ୍) ପଦବୀ ପାଇଁ ୧ ହଜାର ୨୦ ପଦବୀ ରହିଥିବା ବେଳେ ଦରମା ୩୫ ହଜାର ୪୦୦ ଟଙ୍କା
- ଟିଜିଟି ସାଇନ୍ସ (ସିବିଜେଡ୍) ପଦବୀ ପାଇଁ ୮୮୦ ପଦବୀ ରହିଥିବା ବେଳେ ଦରମା ୩୫ ହଜାର ୪୦୦ ଟଙ୍କା
- ହିନ୍ଦୀ ଶିକ୍ଷକ ପଦବୀ ପାଇଁ ୭୧୧ ପଦବୀ ରହିଥିବା ବେଳେ ଦରମା ୩୫ ହଜାର ୪୦୦ ଟଙ୍କା
- ସଂସ୍କୃତ ଶିକ୍ଷକ ପଦବୀ ପାଇଁ ୭୨୯ ପଦବୀ ରହିଥିବା ବେଳେ ଦରମା ୩୫ ହଜାର ୪୦୦ ଟଙ୍କା
- ତେଲୁଗୁ ଶିକ୍ଷକ ପଦବୀ ପାଇଁ ୬ ପଦବୀ ରହିଥିବା ବେଳେ ୩୫ ହଜାର ୪୦୦ ଟଙ୍କା
- ଊର୍ଦ୍ଦୁ ଶିକ୍ଷକ ପଦବୀ ପାଇଁ ୧୪ଟି ପଦବୀ ରହିଥିବା ବେଳେ ଦରମା ୩୫ ହଜାର ୪୦୦ ଟଙ୍କା
- ଶାରୀରିକ ଶିକ୍ଷା ଶିକ୍ଷକ ପଦବୀ ପାଇଁ ୬୮୧ ପଦବୀ ରହିଥିବା ବେଳେ ଦରମା ୨୯ ହଜାର ୨୦୦ ଟଙ୍କା ରହିଛି ।
ପଦବୀ ପାଇଁ ବୟସ ସୀମା:
ଓଡ଼ିଶା ଷ୍ଟାଫ୍ ସିଲେକ୍ସନ ବୋର୍ଡ ନିୟମାବଳୀ ଅନୁସାରେ, ମହିଳା, ଭେଟେରାନ, ପିଡବ୍ଲ୍ୟୁଡି, ଏସସି, ଏସଟି ଏବଂ ଏସଇବିସି ପାଇଁ ୨୦୨୪ ଜାନୁଆରୀ ୧ ତାରିଖ ସୁଦ୍ଧା ପ୍ରାର୍ଥୀଙ୍କ ବୟସ ଅତି କମରେ ୨୧ ବର୍ଷ ଏବଂ ୩୮ ବର୍ଷରୁ ଅଧିକ ହେବା ଆବଶ୍ୟକ ।
ଅନ୍ୟପଟେ ରାଜ୍ୟ ସରକାର ମଧ୍ୟ ସ୍ନାତକୋତ୍ତର ଶିକ୍ଷକ ପଦବୀ ପୂରଣ କରିବା ପାଇଁ ମଧ୍ୟ ଲକ୍ଷ୍ୟ ରଖିଛନ୍ତି । ଯାହା ଆସନ୍ତା ମାସ 17 ତାରିଖରେ ହେବ ପରୀକ୍ଷା । ତେବେ ଏହି ପରୀକ୍ଷା କେବେ ହେବ ? କେଉଁ କେଉଁ ସହରରେ ପରୀକ୍ଷା ଅନୁଷ୍ଠିତ ହେବ ? କେଉଁ ସିଟିଙ୍ଗରେ ଅଛି କେଉଁ ବିଷୟ ?
ନଭେମ୍ବର ୧୭ରେ ସ୍ନାତକୋତ୍ତର ଶିକ୍ଷକ ନିଯୁକ୍ତି ପରୀକ୍ଷା:
ରାଜ୍ୟରେ ଥିବା ବେସରକାରୀ ଯୁକ୍ତ ଦୁଇ କଲେଜରେ ୪୮୮ ବର୍ଗରେ ନିଯୁକ୍ତି କରାଯିବ । ଏନେଇ ଆସନ୍ତା ନଭେମ୍ବର ମାସ ୧୭ ତାରିଖରେ ନିଯୁକ୍ତି ପାଇଁ ପରୀକ୍ଷା ଅନୁଷ୍ଠିତ ହେବ । ଏନେଇ ପ୍ରକାଶ ପାଇଛି ବିଜ୍ଞପ୍ତି ।
କେଉଁ ସହରରେ ହେବ ସ୍ନାତକୋତ୍ତର ଶିକ୍ଷକ ନିଯୁକ୍ତି ପରୀକ୍ଷା:
ଭୁବନେଶ୍ଵର ସମେତ ବାଲେଶ୍ଵର ବ୍ରହ୍ମପୁର ଭବାନୀପାଟଣା କଟକ ଜୟପୁର କେନ୍ଦୁଝର ରାଉରକେଲା ଓ ସମ୍ବଲପୁର ଆଦି ୯ଟି ଜୋନରେ ହେବ ସ୍ନାତକୋତ୍ତର ଶିକ୍ଷକ ନିଯୁକ୍ତି ପରୀକ୍ଷା । ପରୀକ୍ଷା ଦେବାକୁ ଆସିଥିବା ଦିବ୍ୟାଙ୍ଗ ପରୀକ୍ଷାର୍ଥୀଙ୍କୁ ପ୍ରତି ସିଟିଙ୍ଗରେ ଅତିରିକ୍ତ ୨୦ ମିନିଟ ସମୟ ଦିଆଯିବ ।
କେତୋଟି ସିଟିଙ୍ଗରେ ହେବ ପରୀକ୍ଷା:
ବିଶେଷ ଭାବରେ ୩ଟି ସିଟିଙ୍ଗରେ ହେବ ସ୍ନାତକୋତ୍ତର ଶିକ୍ଷକ ନିଯୁକ୍ତି ପରୀକ୍ଷା ।
ପ୍ରଥମ ସିଟିଙ୍ଗ: ସକାଳା ୯ ଘଟିକାରୁ ୧୧ଟା ପର୍ଯ୍ୟନ୍ତ ହେବ ପରୀକ୍ଷା । ଏଥିରେ ବାଣିଜ୍ୟ ଶିକ୍ଷା ଭୂଗୋଳ ଭୂତତ୍ତ୍ବ ବିଜ୍ଞାନ, ହିନ୍ଦୀ, ଗୃହ ବିଜ୍ଞାନ, ଦର୍ଶନଶାସ୍ତ୍ର, ରାଜନୀତି ବିଜ୍ଞାନ, ସାମାଜିକ ବିଜ୍ଞାନ, ତେଲୁଗୁ ଓ ଉର୍ଦ୍ଦୁ ଆଦି ବିଷୟରେ ପରୀକ୍ଷା ଅନୁଷ୍ଠିତ ହେବ ।
ଦ୍ବିତୀୟ ସିଟିଙ୍ଗ: ମଧ୍ୟାହ୍ନ ୧୨ ଟାରୁ ୨ ଟା ପର୍ଯ୍ୟନ୍ତ ହେବ ପରୀକ୍ଷା । ତେବେ ବିଷୟ ଗୁଡିକ ହେଲା ଇଂରାଜୀ ଏବଂ ସଂସ୍କୃତ ଆଦି ବିଷୟରେ ଅନୁଷ୍ଠିତ ହେବ ପରୀକ୍ଷା ।
ତୃତୀୟ ସିଟିଙ୍ଗ: ଉଦ୍ଭିଦ ବିଜ୍ଞାନ ରସାୟନ ବିଜ୍ଞାନ ଅର୍ଥନୀତି ଇତିହାସ ଓଡିଆ ଗଣିତ ମନସ୍ତତ୍ଵ ବିଜ୍ଞାନ ପ୍ରାଣୀ ବିଜ୍ଞାନ ଏବ ଆଇଆରପିଏମ ଆଦି ବିଷୟରେ ରହିଛି ପରୀକ୍ଷା।
କେବେ ମିଳିବ ହଲ ଟିକେଟ:
ସ୍ନାତକୋତ୍ତର ଶିକ୍ଷକ ନିଯୁକ୍ତି ପରୀକ୍ଷା ପାଇଁ ନଭେମ୍ବର ୮ ତାରିଖରେ ଉଚ୍ଚ ଶିକ୍ଷା ବିଭାଗର ଷ୍ଟେଟ ସିଲେକ୍ସନ ବୋର୍ଡର ୱେବସାଇଟରେ ପରୀକ୍ଷାର୍ଥୀଙ୍କ ଆଡମିଟ କାର୍ଡ ଉପଲବ୍ଧ ହେବ ।
