ବାଲେଶ୍ବର: ନୂଆକରି ପ୍ରତିଷ୍ଠା ହୋଇଥିବା ବାଲେଶ୍ଵର ସାଇବର ଥାନା ପୋଲିସକୁ ମିଳିଛି ବଡ଼ ସଫଳତା । ଗତ ବର୍ଷ ଡିସେମ୍ବର ୨୯ ତାରିଖରେ ବାଲେଶ୍ଵର ଇଣ୍ଡସିଣ୍ଡ୍ ବ୍ୟାଙ୍କ(Indusland bank) ଖାତାରେ ଥିବା ଜଣେ ମହିଳାଙ୍କ ବ୍ୟାଙ୍କ ଆକାଉଣ୍ଟକୁ ହ୍ୟାକ୍ କରି ୧୨ ଲକ୍ଷ ୪୫ ହଜାର ଟଙ୍କା ଲୁଟ କରିଥିବା ସାଇବର ଲୁଟେରାଙ୍କୁ ଗିରଫ କରାଯାଇଛି ।
ନୀଳଗିରି ଥାନା ବାଲିଗୋହିରୀ ଅଞ୍ଚଳର ଜ୍ୟୋତ୍ସ୍ନାରାଣୀ ପାତ୍ରଙ୍କ ବ୍ୟାଙ୍କ ଖାତାରୁ ଏହି ଟଙ୍କା ଲୁଟ ହୋଇଥିଲା । ମହିଳା ଜଣକ ବାଲେଶ୍ଵର ସାଇବର ଥାନାରେ ଅଭିଯୋଗ କରିଥିଲେ। ଏହା ସାଇବର ଥାନାର ପ୍ରଥମ ମାମଲା ହୋଇଥିବାରୁ ଅଧିକ ଗୁରୁତ୍ୱ ଦିଆଯାଇ ତଦନ୍ତ ଆରମ୍ଭ ହୋଇଥିଲା । ଅଭିଯୋଗର ୧ ମାସ ଆଠ ଦିନ ପରେ ବାଲେଶ୍ଵର ସାଇବର ଥାନା ପୋଲିସ ୫ ଜଣଙ୍କୁ ଗିରଫ କରିବାରେ ସଫଳ ହୋଇଛି।
ଏହା ବି ପଢନ୍ତୁ: Crime Special Report: ବରବାଦ କରୁଛି ପ୍ରେମ, ବଳି ପଡୁଛନ୍ତି ଯୁବପିଢି
ଗିରଫ ଅଭିଯୁକ୍ତମାନେ ଓଡ଼ିଶାର ସୁନ୍ଦରଗଡ଼, ପଶ୍ଚିମବଙ୍ଗ, ମୁର୍ଶିଦାବାଦ ଏବଂ ବିହାର ଓ ଝାଡଖଣ୍ଡ ଅଞ୍ଚଳର ବୋଲି ଜଣାପଡିଛି। ଅଭିଯୁକ୍ତଙ୍କ ନିକଟରୁ ୧ ଲକ୍ଷ ୬୯ ହଜାର ଟଙ୍କା ଜବତ ହୋଇଥିବା ବେଳେ ୧୦ ଟି ମୋବାଇଲ ଫୋନ ,୧୪ ଟି ବିଭିନ୍ନ ବ୍ୟାଙ୍କ ର ଏ ଟି ଏମ୍ , ୩୯ ଟି ସିମ କାର୍ଡ ଜବତ କରିଛି ସାଇବର ଥାନା ପୋଲିସ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
