ବାଲେଶ୍ଵର: ପାଖେଇ ଆସୁଛି ବାଲେଶ୍ଵର ସଦର ଉପନିର୍ବାଚନ । ଆଉ ଏହାକୁ ନେଇ ସବୁ ଦଳ ନିଜ ନିଜ ପ୍ରଚାର ପାଇଁ ଅଣ୍ଟା ଭିଡିଥିବାବେଳେ ବାଲେଶ୍ଵର ସଦର ଉପନିର୍ବାଚନରେ ଚର୍ଚ୍ଚିତ ପ୍ରାର୍ଥୀ 80 ବର୍ଷୀୟ ବେଣୁଧରଙ୍କ ପାଇଁ ଯାତ୍ରା କଳାକାର ଠାରୁ ଆରମ୍ଭ କରି ସମାଜସେବୀ ଯାଏଁ ସମସ୍ତେ ଅଣ୍ଟା ଭିଡିଛନ୍ତି ।
ବେଣୁ ମଉସାଙ୍କ ପାଇଁ ଗୀତ ଗାଇଲେ ଅଭିଜିତ
ଏହାରି ଭିତରେ "ଏଥର ଜିତିବ ବେଣୁ ମଉସା" ଶୀର୍ଷକ ଏକ ସଙ୍ଗୀତ ୟୁଟ୍ୟୁବରେ ଟ୍ରେଣ୍ଡ କରୁଛି । ଏହି ଗୀତ ପ୍ରଖ୍ୟାତ ସଙ୍ଗୀତ ନିର୍ଦ୍ଦେଶକ ତଥା ଗାୟକ ଅଭିଜିତ ମଜୁମଦାର ସୁନ୍ଦର ଭାବେ ଉପସ୍ଥାପନ କରିଛନ୍ତି । ଯାହାକି ବହୁ ମାତ୍ରାରେ ସେୟାର ହେଉଛି । ତେବେ ଦିନେ ଅପରିଚିତ ଥିବା ବେଣୁଧର ଏବେ ବେଶଚର୍ଚ୍ଚାର ପରିସରକୁ ଆସିଛନ୍ତି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ ଓ କଟକରୁ ନାରାୟଣ ସାହୁଙ୍କ ରିପୋର୍ଟ, ଇଟିଭି ଭାରତ
