ବାଲେଶ୍ଵର : ବାଲେଶ୍ଵର ସଦର ଥାନା ଅଧିନ ନଗ୍ରମ ପୋଲ ତଳୁ ଜଣେ ମହିଳାଙ୍କ ମୃତଦେହ ଉଦ୍ଧାର କରିଛି ପୋଲିସ । ମହିଳାଙ୍କୁ ହତ୍ୟା କରି ପୋଲ ତଳକୁ ଫିଙ୍ଗି ଦେଇଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି ।
ପୋଲ ତଳୁ ମହିଳାଙ୍କ କ୍ଷତବିକ୍ଷତ ମୃତଦେହ ଉଦ୍ଧାର, ହତ୍ୟା ସନ୍ଦେହ
ମହିଳାଙ୍କ ମୁଣ୍ଡରେ ଧାରୁଆ ଅସ୍ତ୍ର ଦ୍ୱାରା ଆକ୍ରମଣ ହୋଇଥିବା ଦେଖିବାକୁ ମିଳିଛି । ମୃତ ମହିଳା ଜଣଙ୍କ ରାଇସୁଆଁ ଅଞ୍ଚଳର ଶିବାନୀ ନାୟକ ବୋଲି ଜଣାପଡିଛି । ମହିଳା ଜଣଙ୍କ 10 ବର୍ଷ ପୂର୍ବରୁ ନିଜ ସ୍ବାମୀଙ୍କ ଠାରୁ ଅଲଗା ହୋଇ ନିଜ ବାପା ଘରେ ରହୁଥିଲେ । ମଙ୍ଗଳବାର ରାତିରୁ ମହିଳା ଜଣଙ୍କ ନିଖୋଜ ଥିଲେ । ବୁଧବାର ମହିଳାଙ୍କ ମୃତଦେହ ପୋଲ ତଳୁ ଉଦ୍ଧାର କରାଯାଇଛି । ଘଟଣାସ୍ଥଳରେ ପୋଲିସ ଓ ଫରେନସିକ ଟିମ ପହଞ୍ଚି ତଦନ୍ତ ଜାରି ରଖିଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
