ବାଲେଶ୍ବର: ଜିଲ୍ଲା ବସ୍ତା ଥାନା ଅନ୍ତର୍ଗତ ବିଦ୍ୟାଧରପୁର ଗାଁରୁ ୨ କିଲୋ ବ୍ରାଉନସୁଗାର ଜବତ । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ଦୁଇ କୋଟି ଟଙ୍କା ହୋଇଥିବା ଜଣାପଡିଛି । ଘଟଣାରେ ୨ ଜଣଙ୍କୁ ଗିରଫ କରିଛି ପୋଲିସ । ଅଭିଯୁକ୍ତଙ୍କ ମଧ୍ୟରେ ଜଣେ ମହିଳା ଅଛନ୍ତି ।
୨ କୋଟି ଟଙ୍କାର ବ୍ରାଉନସୁଗାର ଜବତ, ୨ ଗିରଫ
ସୂଚନାଯୋଗ୍ୟ, ବସ୍ତା ଥାନା ବିଦ୍ୟାଧରପୁର ଗ୍ରାମରେ ବ୍ରାଉନସୁଗାର କାରବାର ନେଇ ପୋଲିସ ଖବର ପାଇଥିଲା । ଏହାପରେ ଘଟଣାସ୍ଥଳରେ ଅତର୍କିତ ଚଢାଉ କରିଥିଲେ ପୋଲିସର ଏକ ସ୍ପେଶାଲ ଟିମ୍ । ତେବେ ଏହି ଚଢ଼ାଉ ବେଳେ ଅଭିଯୁକ୍ତ ପୋଲିସ ଗାଡି ଉପରକୁ ଢେଲା ମାଡ଼ କରି ଗାଡିର କାଚ ଭାଙ୍ଗି ଦେଇଥିବା ସୂଚନା ମିଳିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
