ବାଲେଶ୍ବର: ବେଆଇନ ମଦ କାରବାର ଅଭିଯୋଗରେ ଗିରଫ ହେଲେ 2 ଜଣ । ବାଲେଶ୍ବର ଜିଲ୍ଲା ନୀଳଗିରି ଅଞ୍ଚଳରେ ଘଟିଛି ଏଭଳି ଘଟଣା ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୂଚନା ମୁତାବକ, ନୀଳଗିରି ଥାନା ଅନ୍ତର୍ଗତ ସଜନାଗଡ଼ ଓ କଣ୍ଟିଆଟିକର ଗ୍ରାମରେ ଅବାଧ ଦେଶୀ ମଦ କାରବାର ହେଉଥିବା ଦୀର୍ଘ ଦିନ ହେବ ଅଭିଯୋଗ ହୋଇ ଆସୁଥିଲା । ଏହି ଅଭିଯୋଗ ଆଧାରରେ ଉକ୍ତ ଅଞ୍ଚଳରେ ଆଜି ଅବକାରୀ ବିଭାଗ ଚଢାଉ କରିଥିଲା । ତେବେ ଚଢାଉ ବେଳେ ସଜନାଗଡ଼ର ମନ୍ଦିର ସାହି ଗ୍ରାମର ଶରତ ବିଶ୍ଵାଳ ଓ କଣ୍ଟିଆଟିକର ଗ୍ରାମର ରତନ ନାୟକଙ୍କ ଘରୁ ବିପୁଳ ପରିମାଣରେ ମଦ ଜବତ କରିଥିଲା ଅବକାରୀ ବିଭାଗ । ଏହା ସହିତ ଉଭୟଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ଜଣା ପଡିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
