ବଲାଙ୍ଗୀର: ଭୀମ ଭୋଇ ମେଡିକାଲ୍ କଲେଜ ଛାତ୍ର ନିଶାନ୍ତ କୁମାରଙ୍କ ମୃତ୍ୟୁ ଘଟଣାରେ ଏକ ଭିଡିଓ ଭାଇରାଲ ହେବାରେ ଲାଗିଛି । ଛାତ୍ର ଜଣକ ଛାତରୁ ପଡ଼ିବା ପରେ ତାଙ୍କୁ ଚିକିତ୍ସା ଦେବା ପରିବର୍ତ୍ତେ କଲେଜ କର୍ତ୍ତୃପକ୍ଷ ବିନା ପୋଲିସ ଉପସ୍ଥିତିରେ ଛାତ୍ରର ପକେଟ ଯାଞ୍ଚ କରୁଥିବା ଦେଖାଯାଇଛି । ଏହି ଭିଡିଓ ଭାଇରାଲ ହେବା ପରେ ତଦନ୍ତ ଦିଗ ଏକ ନୂଆ ମୋଡ଼ ନେଇଛି ।
କଲେଜରେ ନିଶାନ୍ତଙ୍କୁ ରାଗିଂ ହେଉଥିଲା । ଏଥିପାଇଁ ତାଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଥିଲା । ଏଭଳି ସମୟରେ ଭାଇରାଲ ଭିଡିଓ କେତେକ ନୂଆ ପ୍ରଶ୍ନ ପଚାରିବାକୁ ବାଧ୍ୟ କରୁଛି । ଛାତ୍ର ଜଣକ ଗୁରୁତର ଅବସ୍ଥାରେ ହଷ୍ଟେଲ ଛାତ ତଳେ ପଡିଥିବା ବେଳେ ତାକୁ ପ୍ରାଥମିକ ଚିକିତ୍ସା ଦେବା ପରିବର୍ତ୍ତେ କଲେଜର ସହାୟକ ଡିନ୍ ନିଜେ, ଡିନ୍ଙ୍କ ଉପସ୍ଥିତିରେ ଛାତ୍ରଙ୍କ ପକେଟ ଯାଞ୍ଚ କରୁଥିବା ଦେଖିବାକୁ ମିଳିଛି । ତାହା ପୁଣି ପୋଲିସର ଅନୁପସ୍ଥିତିରେ । ତେବେ ଏହାକୁ ନେଇ କଲେଜ କର୍ତ୍ତୃପକ୍ଷ କିମ୍ବା ପୋଲିସର କୌଣସି ପ୍ରତିକ୍ରିୟା ମିଳିପାରି ନାହିଁ ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
