ବଲାଙ୍ଗୀର: ଜିଲ୍ଲାର କଣ୍ଟାବାଞ୍ଜି ଥାନା ଅନ୍ତର୍ଗତ ବେହେରେନ୍ ସିଲେଟ ଗ୍ରାମର ମୁଖ୍ୟ ରାସ୍ତାରେ ଏକ ବାଇକ ଜଣେ ବୃଦ୍ଧଙ୍କୁ ଧକ୍କା ଦେବା ଫଳରେ ବୃଦ୍ଧଙ୍କ ମୃତ୍ୟୁ ହୋଇଛି। ଏଥିରେ ବାଇକ ଚାଳକ ମଧ୍ୟ ଗୁରୁତର ଆହତ ହୋଇଛନ୍ତି। ସୂଚନା ଅନୁସାରେ ଏହି ଗ୍ରାମର ବୃଦ୍ଧ ବିଦ୍ୟାଧର ମାଝୀ ସନ୍ଧ୍ୟାରେ ବିଲ କାମ ସାରି ସାଇକେଲରେ ଘରକୁ ଫେରୁଥିଲେ।
ବାଇକ ଧକ୍କାରେ ବୃଦ୍ଧଙ୍କ ମୃତ
ହେଲେ ଏହି ସମୟରେ ବିପରୀତ ଦିଗରୁ ଆସୁଥିବା ଏକ ବାଇକ ତାଙ୍କୁ ଧକ୍କା ଦେଇଥିଲା। ଗ୍ରାମବାସୀ ଉଭୟ ଆହତଙ୍କୁ ଉଦ୍ଧାର କରି କଣ୍ଟାବାଞ୍ଝି ଡାକ୍ତରଖାନା ଆଣିଥିବା ବେଳେ ବୃଦ୍ଧଙ୍କୁ ମୃତ ଘୋଷଣା କରିଥିଲେ ଡାକ୍ତର।
ସେହିପରି ଗୁରୁତର ଆହତ ହୋଇଥିବା ବାଇକ ଚାଳକଙ୍କୁ ବଲାଙ୍ଗୀର ମେଡିକାଲକୁ ସ୍ଥାନାନ୍ତରିତ କରାଯାଇଛି। ପୋଲିସ ଏହି ଘଟଣାର ତଦନ୍ତ କରୁଥିବାର ଜଣାପଡିଛି।
ବଲାଙ୍ଗୀରରୁ ସେଖ ମହମ୍ମଦ ୱାହିଦ, ଇଟିଭି ଭାରତ
