ବଲାଙ୍ଗୀର: ଜିଲ୍ଲାପାଳଙ୍କ କାର୍ଯ୍ୟାଲୟ ସମ୍ମୁଖରେ ଛାତ୍ରଛାତ୍ରୀଙ୍କ ଧାରଣା । ଜିଲ୍ଲାର ସରକାରୀ ଆଇଟିଆଇ (ITI) କଲେଜରେ ପରୀକ୍ଷା ନ ହେବା ଯୋଗୁଁ ଆଜି (ମଙ୍ଗଳବାର) ଛାତ୍ରଛାତ୍ରୀ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିବା ସହ ଧାରଣାରେ ବସିଥିଲେ । ତେବେ ଗତ ଦୁଇ ବର୍ଷ ହେବ ଏମାନଙ୍କ ପରୀକ୍ଷା ହୋଇ ପାରୁ ନାହିଁ । ଯାହା ଫଳରେ ଏମାନଙ୍କର ବହୁମୂଲ୍ୟ ଦୁଇ ବର୍ଷର ଶିକ୍ଷାବର୍ଷ ନଷ୍ଟ ହୋଇ ସାରିଛି ।
ସରକାରୀ ITI କଲେଜରେ ପରୀକ୍ଷା ନ ହେବା ନେଇ ଧାରଣାରତ ଛାତ୍ରଛାତ୍ରୀ
ଆଗକୁ ଶୀଘ୍ର ପରୀକ୍ଷା କରିବା ଦାବିରେ କଲେଜର ବହୁ ଛାତ୍ରଛାତ୍ରୀ ମାନେ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିବା ସହ ଜିଲ୍ଲାପାଳଙ୍କୁ ଏକ ଦାବି ପତ୍ର ପ୍ରଦାନ କରିଛନ୍ତି । ତାଙ୍କର ପରୀକ୍ଷା ଶୀଘ୍ର କରା ଯାଇପାରିଲେ ଏମାନେ ଆଗକୁ ତାଙ୍କର ଭବିଷ୍ୟତ ଚିନ୍ତା ନେଇ କରି ପାରନ୍ତେ ବୋଲି କହିଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
