ବଲାଙ୍ଗୀର: ଜିଲ୍ଲା ମାକର ଚୁଆଁ ଗ୍ରାମର ଘଟିଥିବା ହତ୍ୟା କାଣ୍ଡରେ ତିନି ଅଭିଯୁକ୍ତ ଗିରଫ କରିଛି ପୋଲିସ । ଗତ 18 ତାରିଖରେ ଏହି ଗ୍ରାମର ବୈକୁଣ୍ଠ ଶୁନାଙ୍କୁ ଟାଙ୍ଗିଆରେ ହାଣି ନିର୍ମମ ଭାବରେ ହତ୍ୟା କରାଯାଇଥିଲା।
ଟାଙ୍ଗିଆରେ ହାଣି ହତ୍ୟା କରିଥିବା 3 ଅଭିଯୁକ୍ତଙ୍କୁ ଗିରଫ କଲା ପୋଲିସ
ତେବେ ପୋଲିସର ସୂଚନା ଅନୁସାରେ ଏହି ଗାଁର ବୈକୁଣ୍ଠ ସୁନା ପୋଖରୀକୁ ଗାଧୋଇବାକୁ ଯାଇଥିବା ବେଳେ ପୂର୍ବ ଶତ୍ରୁତା କାରଣରୁ ଏହି ଗାଁର ସଞ୍ଜୀବ ବାଗ ଓ ତାର ଦୁଇ ସହଯୋଗୀ ସନ୍ତୋଷ ଦୀପ ତଥା ବୃନ୍ଦା ରଣା ତାଙ୍କୁ ଟାଙ୍ଗିଆରେ ହାଣି ହତ୍ୟା କରି ଫେରାର ହୋଇ ଯାଇଥିଲେ। ତେବେ ପୋଲିସ ରବିବାର ସେମାନଙ୍କୁ ଧରିବାରେ ସଫଳ ହୋଇଥିବାବେଳେ ତାଙ୍କଠୁ ହତ୍ୟାରେ ବ୍ୟବହୃତ ଟାଙ୍ଗିଆ ଓ ଏକ ବାଇକ୍ ଜବତ କରିଛି। ହତ୍ୟା ମାମଲାରେ ତାଙ୍କୁ କୋର୍ଟ ଚାଲାଣ କରାଯିବ ବୋଲି ପୋଲିସ ସୂଚନା ଦେଇଛି।
ବଲାଙ୍ଗୀରରୁ ଏସକେ ମହମ୍ମଦ ୱାହିଦ୍, ଇଟିଭି ଭାରତ
