ବଲାଙ୍ଗୀର: ବଲାଙ୍ଗୀରର ଜଣେ ବିଡିଓଙ୍କୁ ବିଜେପି ନେତା କନକ ବର୍ଦ୍ଧନ ସିଂହଦେଓ ସର୍ବସମ୍ମୁଖରେ ଗାଳି କରିବା ସହ ଦୁର୍ବ୍ୟବହାର କରିଥିଲେ । ଏନେଇ ଅଭିଯୋଗ ମଧ୍ୟ ହୋଇଥିଲା । ତେବେ ଏହାକୁ ନେଇ ପୁଣିଥରେ ମୁହଁ ଖୋଲିଛି ପଶ୍ଚିମ ଓଡ଼ିଶା ଦଳିତ ସୁରକ୍ଷା ପରିଷଦ ସଂଗଠନ । ଏପରିକି ଦୁର୍ବ୍ୟବହାର ପ୍ରଦର୍ଶନ କରିଥିବା ବିଜେପି ନେତା କେଭି ସିଂହଦେଓଙ୍କୁ ଗିରଫ କରିବାକୁ ଦାବି କରିଛି ସଂଗଠନ । ନଚେତ ଆସନ୍ତା ଫେବୃଆରୀ ୧୦ ତାରିଖରେ ସମ୍ପୂର୍ଣ୍ଣ ପଶ୍ଚିମ ଓଡିଶା ବନ୍ଦ କରାଯିବ ବୋଲି ସଂଗଠନ ଚେତାବନୀ ଦେଇଛି । ତେବେ ପ୍ରଶାସନିକର ମନମୁଖୀ କାର୍ଯ୍ୟ ଓ ନିର୍ବାଚିତ ଜିଲ୍ଲା ପରିଷଦ ସଭ୍ୟଙ୍କ ସେୟାର ଟଙ୍କା ବେଳପଡା ବିଡିଓ କାଟି ଦେଇଥିବାର ଅଭଯୋଗ ହୋଇଥିଲା । ଯାହାକୁ ନେଇ ଦୁଇ ଜିଲ୍ଲା ପରିଷଦ ସଭ୍ୟ ବେଲପଡା ବ୍ଲକ ଆଗରେ ୨ ଦିନ ଧରି ଧାରଣା ଦେଇଥିଲେ ।
ଏଥିରେ ପଟଣାଗଡ ପୂର୍ବତନ ବିଧାୟକ ତଥା ବିଜେପି ନେତା କେଭି ସିଂହଦେଓ ମଧ୍ୟ ସାମିଲ ହୋଇଥିଲେ । ସେଠାକୁ ବେଲପଡା ବିଡିଓ ତାଙ୍କ ସହ ଆଲୋଚନା କରିବାକୁ ଆସିଥିଲେ । ହେଲେ ସେହି ସମୟରେ ବିଜେପି ନେତା ବିଡିଓଙ୍କ ଉପରେ ବର୍ଷିଥିଲେ କେଭି ସିଂହଦେଓ । ଏବେ ଏହାକୁ ନେଇ ରାଜନୀତି ଥମିବାର ନାଁ ନେଉନଥିବା ବେଳେ ଏବେ ପଶ୍ଚିମ ଓଡ଼ିଶା ଦଳିତ ସଂଘ ଏଥିରେ ସାମିଲ ହୋଇଛି ।
ଯେଉଁଥିରେ ବଲାଙ୍ଗୀରରେ ଲୋକତନ୍ତ୍ର ନୁହେଁ ରାଜତନ୍ତ୍ର ଚାଲିଥିବାର କହିଛନ୍ତି ପଶ୍ଚିମ ଓଡ଼ିଶା ଦଳିତ ସୁରକ୍ଷା ପରିଷଦ ଅଧ୍ୟକ୍ଷ ନିହାଲ ସିଂ । ତେବେ ବିଡ଼ିଓ ଏକ ପ୍ରଶାସନିକ ପଦ ହୋଇଥିବା ବେଳେ ସେ ସର୍ବଜନ ହିତ ପାଇଁ କାମ କରିଥାନ୍ତି । ସେହିପରି ତାଙ୍କ ପଦର ମର୍ଯ୍ୟାଦା ଅଛି । ତାଙ୍କୁ ପିଅନ କହିବାକୁ ନେଇ ପଶ୍ଚିମ ଓଡ଼ିଶା ଦଳିତ ସୁରକ୍ଷା ପରିଷଦ ନିନ୍ଦା କରିଛି । ସେହିପରି କନକ ବର୍ଦ୍ଧନ ସିଂହଦେଓ କେଉଁ ଅଧିକାର ବଳରେ ତାଙ୍କୁ ଏଭଲି ଆକ୍ଷେପ କଲେ ବୋଲି ପ୍ରଶ୍ନ କରିଛି ସଂଗଠନ । ତେଣୁ ତାଙ୍କୁ ଶୀଘ୍ର ଗିରଫ କରାନଗଲେ ଆଗାମୀ ଫେବୃଆରୀ 10 ତାରିଖରେ ପଶ୍ଚିମ ଓଡିଶା ବନ୍ଦ କରିବେ ବୋଲି କହିଛନ୍ତି ପଶ୍ଚିମ ଓଡିଶା ଦଲିତ ସୁରକ୍ଷା ପରିଷଦ ଅଧ୍ୟକ୍ଷ ନିହାଲ ସିଂହ ।
