ଓଡିଆ ପୁଅଙ୍କ କ୍ଷୁଦ୍ର ଚଳଚ୍ଚିତ୍ର ‘ସର୍କସ’ର ସ୍ପେଶାଲ ସ୍କ୍ରିନିଂ

ଓଡିଆ ପୁଅ ଦେବୋତ୍ତସ ଦର୍ଜୀଙ୍କ ଅଭିନୀତ କ୍ଷୁଦ୍ର ଚଳଚ୍ଚିତ୍ର ‘ସର୍କସ’ର ସ୍ପେଶାଲ ସ୍କ୍ରିନିଂ କରାଯାଇଛି । ଆନ୍ତର୍ଜାତୀୟ ସ୍ତରରେ ଏହି ଫିଲ୍ମ ବେଶ ଆଦୃତ ହୋଇଛି।

ବଲାଙ୍ଗୀର: ବଲାଙ୍ଗୀରରୁ ବଲିଉଡ ଯାଇ ଅଭିନୟର ଯାଦୁ ଦେଖାଇ ଥିବା ଓଡିଆ ଯୁବକ ଦେବୋତ୍ତସ ଦର୍ଜୀଙ୍କ ଅଭିନୀତ ‘ସର୍କସ’ ସିନେମା ମଙ୍ଗଳବାର ବଲାଙ୍ଗୀରରେ ପ୍ରଦର୍ଶିତ ହୋଇଛି । ଭିନ୍ନ କାହାଣୀକୁ ନେଇ ନିର୍ମାଣ ହୋଇଥିବା ଏହି ସିନେମା ଲୋକଙ୍କ ଦ୍ୱାରା ବେଶ ଆଦୃତ ହୋଇଥିବା ବେଳେ ନିଜ ମାଟିର ଯୁବ ଅଭିନେତାଙ୍କୁ ଲୋକେ ସାମ୍ନାରେ ଦେଖି ବେଶ୍ ଖୁସି ହୋଇଥିଲେ ।

ପ୍ରଖ୍ୟାତ ସିନେମା ନିର୍ଦ୍ଦେଶକ ତାରିଖ୍ ବାସୁଦେବାଙ୍କ ଦ୍ୱାରା ନିର୍ମିତ ଏହି ସିନେମା ଅନ୍ତର୍ଜାତୀୟ ସ୍ଥରରେ ଖୁବ ନାଁ କମେଇଛି। କାହାଣୀରେ ସହରାଞ୍ଚଳର ଯୁବତୀ ଓ ଜଣେ ଗାଉଁଲି ଯୁବକର ବିଭିନ୍ନ ସମସ୍ୟା ପରଦାରେ ପ୍ରଦର୍ଶିତ ହୋଇଛି ।

ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ