ବଲାଙ୍ଗୀର: ବଲାଙ୍ଗୀର ଜିଲ୍ଲାର ସାଲେଭଟା ଗାଁରେ ଆଦିବାସୀଙ୍କ ଘର ସ୍ଥାନୀୟ ସରପଞ୍ଚ ଭାଙ୍ଗି ଦେବା ଘଟଣା । ଘର ଭାଙ୍ଗିଥିବା ସମ୍ପୃକ୍ତ ସରପଞ୍ଚ ଜେଲ ଯାଇ ଥିବାବେଳେ ରବିବାର ଆଦିବାସୀ ସଂଘ ସାମ୍ବାଦିକ ସମ୍ମିଳନୀ କରିଛି। ଏହାସହ ବିଭିନ୍ନ ଦାବି ଉପସ୍ଥାପନ କରିଛି । ସରପଞ୍ଚ ଜଣଙ୍କ ପୂର୍ବତନ ବିଧାୟକ ତଥା ସାଂସଦ ବାଳଗୋପାଳ ମିଶ୍ରଙ୍କ ଇସାରାରେ ଏସମସ୍ତ କାର୍ଯ୍ୟ କରିଥିବା ସଂଘ ଅଭିଯୋଗ ଆଣିଛି ।
ସାଲେଭଟା ଗାଁରେ ଆଦିବାସୀଙ୍କ ଘର ସରପଞ୍ଚ ଭାଙ୍ଗି ଦେବା ଘଟଣା
ସେହିପରି ଜଙ୍ଗଲ ଜମି ସଂଶୋଧିତ ଆଇନ ଅନୁସାରେ ଆଦିବାସୀଙ୍କର ଜଙ୍ଗଲ ଜମିରେ ହକଂ ରହିଛି । କେହି ଆଦିବାସୀଙ୍କୁ ବେଦଖଲ କରି ପାରିବେ ନାହିଁ ବୋଲି ସଂଘ ଦାବି କରିଛି । ଘର ଭଙ୍ଗା ଯାଇଥିବା ଆଦିବାସୀଙ୍କୁ ଘର ପୁଣି ଯୋଗାଇ ଦିଆ ଯିବା ସହିତ ଘଟଣାରେ ସମ୍ପୃ୍କ୍ତ ଥିବା ଅନ୍ୟ ସମସ୍ତଙ୍କୁ ଗିରଫ ପାଇଁ ମଧ୍ୟ ଦାବି ହୋଇଛି । ଯଦି ଏହି ଦାବି ପୁରଣ ନ ହୁଏ ତେବେ ଆନ୍ଦୋଳନ ହେବ ବୋଲି ଚେତାବନୀ ଦେଇଛି ସଂଘ ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବହିଦ, ଇଟିଭି ଭାରତ
