ବଲାଙ୍ଗୀର: ପ୍ରବଳ ବର୍ଷାରେ ବଲାଙ୍ଗୀର ପ୍ରସିଦ୍ଧ ଶୈବପୀଠ ହରିଶଙ୍କରରେ ଭୂସ୍ଖଳନ । ଅଳ୍ପକେ ବର୍ତ୍ତିଲେ ହଜାର ହଜାର ଶ୍ରଦ୍ଧାଳୁ ।
ଶୈବପୀଠ ହରିଶଙ୍କରରେ ଭୂସ୍ଖଳନ, ଅଳ୍ପକେ ବର୍ତ୍ତିଲେ ଭକ୍ତ
ଆଜି(ସୋମବାର) ଶ୍ରାବଣର ଶେଷ ସୋମବାର ହୋଇଥିବାବେଳେ ବଲାଙ୍ଗୀରର ଏହି ପ୍ରସିଦ୍ଧ ପୀଠରେ ମହାଦେବଙ୍କୁ ଜଳ ଲାଗି କରିବା ପାଇଁ ରାଜ୍ୟ ଓ ରାଜ୍ୟ ବାହାରୁ ପ୍ରବଳ ଶ୍ରଦ୍ଧାଳୁଙ୍କ ସମାଗମ ହୋଇଥିଲା । ତେବେ ଗତ ରାତିରୁ ବଲାଙ୍ଗୀରରେ ପ୍ରବଳ ବର୍ଷା ଜାରି ରହିଛି । ତେବେ ହରିଶଙ୍କରରେ ମଧ୍ୟ ପ୍ରବଳ ବର୍ଷା ଲାଗି ରହିଛି । ଯେଉଁ କାରଣରୁ ସେଠାକାର ଝରଣାରେ ଅଚାନକ ଜଳସ୍ତର ବୃଦ୍ଧି ପାଇଥିଲା ।
ଆଜି(ସୋମବାର) ସକାଳ ସମୟରେ ଏହାର ଉପର ମୁଣ୍ଡରେ ଏକ ବଡ ଧରଣର ଭୂସ୍ଖଳନ ଘଟିଥିଲା। ଝରଣାରେ ମାଟି ଅତଡା ଖସିବା ସହ ପାଣି ଜୋରରେ ବହୁଥିବା ବେଳେ ତଳ ମୁଣ୍ଡରେ ପାଣି ନେଇଥିବା ଭକ୍ତ ଏଥିରୁ ଅଳ୍ପକେ ବର୍ତ୍ତିଛନ୍ତି । ତେବେ ଏବେବି ଏଠାରେ ପାଣି ଜୋରରେ ଚାଲୁଥିବାବେଳେ ଶ୍ରଦ୍ଧାଳୁଙ୍କୁ ଝରଣା ନିକଟକୁ ନଥିବା ପାଇଁ ପରାମର୍ଶ ଦିଆଯାଇଛି ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ୍, ଇଟିଭି ଭାରତ
