ବଲାଙ୍ଗୀର: ପାଟଣାଗଡରେ ଗତକାଲି ବିଧାୟକଙ୍କ ଦବଙ୍ଗଗିରି ସାମନାକୁ ଆସିବା ପରେ ତାକୁ ନେଇ ତୁମ୍ବି ତୋଫାନ ହୋଇଛି । ବିଶେଷ କରି ଆଦିବାସୀ ସଂଘ ଆଗକୁ ଆସି ବିଧାୟକଙ୍କ ଏହି ବ୍ୟବହାର ଓ ଆଚରଣକୁ ଘୋର ବିରୋଧ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବଲାଙ୍ଗୀର
ସେହିପରି ଏହାକୁ ନେଇ ଗୁରୁବାର ରାତିରେ କନିଷ୍ଠ ଯନ୍ତ୍ରୀ ଜୟକାନ୍ତ ଶବରଙ୍କ ସ୍ତ୍ରୀ ପ୍ରବୀଣା ରାଜହଂସ ପାଟଣାଗଡ ଥାନାରେ ବିଧାୟକ ସରୋଜ ମେହେରଙ୍କ ବିରୋଧରେ ଲିଖିତ ଅଭିଯୋଗ କରିଛନ୍ତି । ଅନ୍ୟପଟେ ଅପହରଣ ଅଭିଯୋଗ ପାଇବା ପରେ ପୋଲିସ ଖାନତଲାସୀ କରି କନିଷ୍ଠ ଯନ୍ତ୍ରୀଙ୍କୁ ଆଜି (ଶୁକ୍ରବାର) ସକାଳୁ ଖରିଆରରୁ ଉଦ୍ଧାର କରିଛି ।
ତେବେ ଉଦ୍ଧାର ପାଇବା ପରେ ତାଙ୍କୁ ଗମ୍ଭାରୀ ଗ୍ରାମରେ ସର୍ବସମ୍ମୁଖରେ ୧୦୦ ଥର ଉଠବସ କରାଇବା ସହ ମାନସିକ ଓ ଶାରୀରିକ ନିର୍ଯାତନା ଦେଇଥିବା କହିଛନ୍ତି କନିଷ୍ଠ ଯନ୍ତ୍ରୀ ଜୟକାନ୍ତ ଶବର । ସେହିପରି ଜାତିଆଣ ଗାଲିଗୁଲଜ ମଧ୍ୟ ବିଧାୟକ କରିଥିବା ସେ ଅଭିଯୋଗ କରିଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ୍, ଇଟିଭି ଭାରତ
