ବଲାଙ୍ଗୀର: ଦଶହରା ପୂଜା ସମ୍ପନ୍ନ ହୋଇଥିବା ବେଳେ ମହାଆଡମ୍ବର ସହିତ ମା’ଙ୍କ ମେଲାଣି ଉତ୍ସବ ଆୟୋଜନ କରାଯାଇଛି । ଯେଉଁଥିରେ ଦଶ ଦିନ ମାଙ୍କ ପୂଜା ଅର୍ଚ୍ଚନା ପରେ ତାଙ୍କୁ ବିଦାୟ ଦିଆଯାଇଛି । ବଲାଙ୍ଗୀର ସହରର ସବୁ ପୂଜା ମଣ୍ଡପ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସହିତ ମା’ଙ୍କୁ ବିଦାୟ ଦେଇଛନ୍ତି । ଏହି ଉତ୍ସବରେ ଆଜି ସାରା ସହର ବିଭିନ୍ନ ବାଦ୍ୟରେ ଗର୍ଜି ଉଠିଛି ।
ଦଶହରା ପୂଜା ସମ୍ପନ୍ନ ହୋଇଥିବା ବେଳେ ମହାଆଡମ୍ବର ସହିତ ମାଙ୍କ ମେଲାଣି ଉତ୍ସବ ଆୟୋଜନ କରାଯାଇଛି । ଯେଉଁଥିରେ ଦଶ ଦିନ ମା’ଙ୍କ ପୂଜା ଅର୍ଚ୍ଚନା ପରେ ତାଙ୍କୁ ବିଦାୟ ଦିଆଯାଇଛି । ଏହି ବିଦାୟ ଉତ୍ସବରେ ଆଜି ସବୁ ମଣ୍ଡପ ଦ୍ବାରା ସହରରେ ଭବ୍ୟ ଶୋଭାଯାତ୍ରା ଆୟୋଜନ କରାଯାଇଛି । ନୃତ୍ୟଗୀତ ସାଙ୍ଗକୁ ବିଭିନ୍ନ ପ୍ରକାରର ସାଂସ୍କୃତିକ କାର୍ଯ୍ୟକ୍ରମରେ ଆଜି ସାରା ବଲାଙ୍ଗୀର ସହର ପ୍ରତିଧ୍ବନିତ ହୋଇଛି ।
ସମସ୍ତ ପୂଜା ମଣ୍ଡପ ନିଜ ନିଜ ଢଙ୍ଗରେ ଆଜି ମା’ଙ୍କ ମେଲାଣି ଯାତ୍ରା ସମ୍ପନ୍ନ କରିଥିବା ବେଳେ ସହର ମଧ୍ୟରେ ଥିବା ବିଭିନ୍ନ ଜଳାଶୟରେ ମା’ଙ୍କୁ ବିସର୍ଜନ କରିଛନ୍ତି । ମା’ଙ୍କ ଏହି ମେଲାଣି ଉତ୍ସବ ବଲାଙ୍ଗୀରରେ ଶାନ୍ତି ଶୃଙ୍ଖଳା ରକ୍ଷା ପାଇଁ ପୋଲିସ ପକ୍ଷରୁ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
