ବଲାଙ୍ଗୀର: ମୁରିବାହାଲ ବ୍ଲକ କାର୍ଯ୍ୟାଳୟରେ ମନମୁଖୀ କାମ ଚାଲୁଥିବା ଅଭିଯୋଗ । ବେକେୟା ପାଉଣା ଦାବି ନେଇ ମୁରିବାହାଲର ବ୍ୟବସାୟୀ ବନ ବିହାରୀ ଯୋଶୀ ଆମରଣ ଅନଶନରେ ବସିଛନ୍ତି ।
ବକେୟା ପାଉଣା ଦାବି ନେଇ ଆମରଣ ଅନଶନ
ଦୀର୍ଘ ଦିନରୁ ବ୍ଲକର କାମ ପାଇଁ ସେ ନିଜ ଦୋକାନରୁ ଜିନିଷ ଦେଇଥିଲେ । ଜିନିଷ ଦେଲା ପରେ ଆଜି କାଲି ବକେୟା ଦିଆଯିବ ବୋଲି ବ୍ଲକ ପକ୍ଷରୁ କୁହାଯାଉଛି । ହେଲେ ଆଜି ପର୍ଯ୍ୟନ୍ତ ପାଉଣା ଦିଆଯାଇନାହିଁ ।
ଯେପର୍ଯ୍ୟନ୍ତ ପାଉଣା ନ ମିଳିଛ ସେତେଦିନ ଯାଏ ଅନଶନ ଜାରି ରହିବ ବୋଲି ଆନ୍ଦୋଳନକାରୀ କହିଛନ୍ତି । ତେବେ ଏନେଇ ବ୍ଲକ ଅଧିକାରୀଙ୍କ ସହ ଯୋଗାଯୋଗ ହୋଇପାରିନଥିବାରୁ ତାଙ୍କ ପ୍ରତିକ୍ରିୟା ମିଳିପାରିନାହିଁ ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ,ଇଟିଭି ଭାରତ
