ବଲାଙ୍ଗୀର: ଜିଲ୍ଲାରେ ବୃଦ୍ଧି ପାଇବାରେ ଲାଗିଛି ବେଆଇନ କଫ ସିରଫ କାରବାର । ଏନେଇ ବିଭିନ୍ନ ସ୍ଥାନରେ ଚଢାଉ କରି ବିପୁଳ ପରିମାଣର କଫ ସିରଫ ଜବତ ସହ ୭ଜଣଙ୍କୁ ଗିରଫ କଲା ବଲାଙ୍ଗୀର ପୋଲିସ ।
ସୂଚନା ଅନୁଯାୟୀ ଜିଲ୍ଲାରେ କଫ ସିରଫ କାରବାରରେ ରୋକ ଲଗାଇବା ପାଇଁ ବଲାଙ୍ଗୀର ପୋଲିସ ଏକ ସ୍ବତନ୍ତ୍ର ଡ୍ରାଇଭ୍ ଆରମ୍ଭ କରିଥିଲା । ଏନେଇ ବିଭନ୍ନ ସ୍ଥାନରେ ଚଢାଉ ଜାରି ରଖିଥିବା ବେଳେ ଏଥିରେ ସଂପୃକ୍ତ ଥିବା ୭ଜଣଙ୍କୁ ଗିରଫ କରିଛି ପୋଲିସ ।
ବିପୁଳ ପରିମାଣର କଫ ସିରଫ ଜବତ, ୭ ଗିରଫ
ସେମାନଙ୍କ ଠାରୁ ଏକ ମାରୁତି କାର, କଫ ସିରଫରେ ମିଶ୍ରିତ ହେଉଥିବା ରସାୟନ ଓ ନଗଦ 6 ହଜାର ଟଙ୍କା ମଧ୍ୟ ଜବତ କରାଯାଇଛି । ସେହିପରି ଏହି ନିଶା ସାମଗ୍ରୀ କେଉଁଠୁ ଓ କେମିତି ଆସୁଛି ସେନେଇ ତଦନ୍ତ ଜାରି ରହିଥିବା ପୋଲିସ ତରଫରୁ ସୂଚନା ମିଳିଛି ।
ବଲାଙ୍ଗୀରରୁ ଏସ କେ ଓ୍ବାହିଦ, ଇଟିଭି ଭାରତ
