ବଲାଙ୍ଗୀର: ଗତ ଦୁଇଦିନ ହେବ ଲଗାଣ ବର୍ଷା ଜାରି ରହିଛି । ଫଳରେ ସହର ମଧ୍ୟରେ ଥିବା ଅଧିକାଂଶ ଅଞ୍ଚଳରେ ଜଳବନ୍ଦୀ ପରିସ୍ଥିତି ଉପୁଜିଛି । ଏଥିରେ ବିଶେଷ କରି ଜିଲ୍ଲାର ତଳିଆ ଅଞ୍ଚଳ , ଲକ୍ଷ୍ମୀ ଜୋର ନାଳ ଓ ରାଣୀ ପୋଖରୀର ପାଣି ଲୋକଙ୍କ ଘର ଭିତରକୁ ପ୍ରବେଶ କରିଛି । ଫଳରେ ଲୋକେ ନାହିଁ ନ ଥିବା ଅସୁବିଧା ଭୋଗୁଛନ୍ତି । ସେପଟେ ପ୍ରଶାସନ ମଧ୍ୟ ଜଳ ନିଷ୍କାସନ ପାଇଁ ବ୍ୟବସ୍ଥା ହାତକୁ ନେଇଛି ।
ଭିଡିଓ ସୌଜନ୍ୟ- ସମ୍ବାଦଦାତା, ବଲାଙ୍ଗୀର
ଗତକାଲି ଦିନ ତମାମ ଓ ରାତିରେ ପ୍ରବଳ ବର୍ଷା ଯୋଗୁଁ ଚାରି ଆଡେ ଖାଲି ପାଣି ହିଁ ପାଣି । ତଳିଆ ଅଞ୍ଚଳରେ ପାଣି ପଶିବା ସହ ସାରା ସହର ପାଣିରେ ଉବୁଟୁବୁ ହୋଇଛି । ସହର ମଧ୍ୟରେ ଥିବ ଲକ୍ଷ୍ମୀ ଜୋର ନାଳର ପାଣି ଠିକାଦାର ପଡା , ବରପାଲି ପଡା ଓ ହତିସାଲ ପଡାର ଅନେକ ଲୋକଙ୍କ ଘରକୁ ପାଣି ପଶିଛି ।
ସମାନ ଭାବରେ ସହର ମଧ୍ୟରେ ଥିବା ପୋଖରୀର ପାଣି ମଧ୍ୟ ଲୋକଙ୍କ ଘର ଭିତରକୁ ପ୍ରବେଶ କରିଛି । ତେବେ ଜଳ ଦୁର୍ଦ୍ଦଶା ଦେଖି ପ୍ରଶାସନ ମଧ୍ୟ ଜଳ ନିଷ୍କାସନ ପାଇଁ ବ୍ୟବସ୍ଥା ଗ୍ରହଣ କରିଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
