ବଲାଙ୍ଗୀର: ବଦଳିକୁ ବିରୋଧ କରି CDMO କାର୍ଯ୍ୟାଳୟ ଘେରିଲେ ସ୍ବାସ୍ଥ୍ୟକର୍ମୀ । ବଲାଙ୍ଗୀର ଜିଲ୍ଲାର ଶତାଧିକ ମହିଳା ସ୍ବାସ୍ଥ୍ୟକର୍ମୀ ଆଜି(ମଙ୍ଗଳବାର) ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟ ଘେରାଉ କରିଛନ୍ତି । ବଦଳି ନିଷ୍ପତ୍ତି ପ୍ରତ୍ୟାହାର ନ କଲେ କାର୍ଯ୍ୟବନ୍ଦ ଆନ୍ଦୋଳନର ଚେତାବନୀ ଦେଇଛନ୍ତି ସ୍ବାସ୍ଥ୍ୟକର୍ମୀ ।
ବଦଳିକୁ ବିରୋଧ କରି ସ୍ବାସ୍ଥ୍ୟକର୍ମୀଙ୍କ ବିକ୍ଷୋଭ
ସୂଚନାଯୋଗ୍ୟ, ବଲାଙ୍ଗୀର ସହରର ବିଭିନ୍ନ ମେଡିକାଲରେ କାର୍ଯ୍ୟରତ ପ୍ରାୟ 61 ଜଣ ସ୍ବାସ୍ଥ୍ୟକର୍ମୀଙ୍କୁ ଜିଲ୍ଲାର ଅନ୍ୟ ସ୍ଥାନକୁ ବଦଳି କରାଯାଇଛି । ଯାହାକୁ ଏମାନେ ତୀବ୍ର ବିରୋଧ କରିଛନ୍ତି । ଏହି ନିଷ୍ପତ୍ତିକୁ ପ୍ରତ୍ୟାହାର ଦାବିରେ ଏମାନେ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି । ତେବେ ବଦଳି ନିଷ୍ପତ୍ତି ପ୍ରତ୍ୟାହାର କରାନାଗଲେ ଆଗକୁ କାର୍ଯ୍ୟବନ୍ଦ ଆନ୍ଦୋଳନ କରିବାକୁ ସ୍ବାସ୍ଥ୍ୟକର୍ମୀ ଚେତାବନୀ ଦେଇଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
