ଘୋଷଣା ହେଲା ବାଂଲାଦେଶ ବିପକ୍ଷ 'ସୂର୍ଯ୍ୟ ବାହିନୀ'; ଟି20ରେ ଡେବ୍ଯୁ କରିବେ ମୟଙ୍କ ଯାଦବ - IND vs BAN T20 Series

Team India Squad for T20 series against Bangladesh : ବାଂଲାଦେଶ ବିପକ୍ଷରେ ଖେଳାଯିବାକୁ ଥିବା ଟି20 ସିରିଜ ପାଇଁ ଭାରତୀୟ ଦଳର ଦଳ ଘୋଷଣା କରିଛି ବିସିସିଆଇ । ପ୍ରଥମ ଥର ପାଇଁ ଦଳରେ ସୁଯୋଗ ପାଇଛନ୍ତି ଆଇପିଏଲ୍‌ ପେସ ବୋଲିଂ ସେନ୍ସେସନ ମୟଙ୍କ ଯାଦବ । ଅଧିକ ପଢ଼ନ୍ତୁ

ମୁମ୍ବାଇ : ଅକ୍ଟୋବର 6ରୁ ବାଂଲାଦେଶ ବିପକ୍ଷରେ 3 ମ୍ୟାଚ୍‌ ବିଶିଷ୍ଟ ଟି20 ସିରିଜ ଖେଳିବ ଭାରତ । ଏହି ସିରିଜ ପାଇଁ ଭାରତୀୟ କ୍ରିକେଟ୍ ଦଳର ଦଳ ଘୋଷଣା କରିଛି ବିସିସିଆଇ । ଶନିବାର ବିଳମ୍ବିତ ରାତିରେ ସୋସିଆଲ ମିଡିଆ ଆକାଉଣ୍ଟରେ ପୋଷ୍ଟ କରି ବିସିସିଆଇ ଟିମ୍ ଇଣ୍ଡିଆର 15 ଜଣିଆ ଦଳ ଘୋଷଣା କରିଛି । ଭାରତର ପେସ ବୋଲିଂ ସେନ୍ସେସନ ମାୟଙ୍କ ଯାଦବଙ୍କୁ ଟିମ୍ ଇଣ୍ଡିଆ ପାଇଁ ପ୍ରଥମ ଡାକରା ମିଳିଛି । ତାଙ୍କୁ ପ୍ରଥମ ଥର ପାଇଁ ଦଳରେ ସାମିଲ କରାଯାଇଛି । ଟି20 ଅଧିନାୟକ ସୂର୍ଯ୍ୟକୁମାର ଯାଦବଙ୍କ ନେତୃତ୍ବରେ ଦଳ 6, 9 ଓ 12 ଅକ୍ଟୋବରରେ ବାଂଲାଦେଶ ବିପକ୍ଷରେ ଏହି ସିରିଜ ଖେଳିବ ।

NEWS 🚨 - #TeamIndia’s squad for T20I series against Bangladesh announced.

More details here - https://t.co/7OJdTgkU5q #INDvBAN @IDFCFIRSTBank pic.twitter.com/DOyz5XGMs5

— BCCI (@BCCI) September 28, 2024

କେବେ ଓ କେଉଁଠାରେ ଖେଳାଯିବ ମ୍ୟାଚ୍‌ ? :-

ଭାରତୀୟ ଚୟନକର୍ତ୍ତା ବାଂଲାଦେଶ ବିପକ୍ଷ ଆଗାମୀ ଟି20 ସିରିଜ ପାଇଁ ଭାରତର 15 ସଦସ୍ୟ ବିଶିଷ୍ଟ ଦଳ ଚୟନ କରିଛନ୍ତି । ଜାରି ରହିଥିବା ଟେଷ୍ଟ ସିରିଜ୍ ପରେ ଟି20 ସିରିଜ୍ ଆରମ୍ଭ ହେବ । ଏହି ସିରିଜର ସମସ୍ତ ତିନୋଟି ମ୍ୟାଚ୍ ଯଥାକ୍ରମେ 6, 9 ଏବଂ 12 ଅକ୍ଟୋବରରେ ଗ୍ୱାଲିଅର୍, ନୂଆଦିଲ୍ଲୀ ଏବଂ ହାଇଦ୍ରାବାଦରେ ଖେଳାଯିବ ।

JUST IN - Mayank Yadav has been picked in the India squad for the T20I series against Bangladesh.

Allrounder Nitish Kumar Reddy finds a spot too in the 15-man group. pic.twitter.com/MTOD7ITXcj

— Cricbuzz (@cricbuzz) September 28, 2024

ଟିମ୍‌ରେ ନୂଆ କ'ଣ ରହିଛି ? :-

ଶ୍ରୀଲଙ୍କା ବିପକ୍ଷ ଟି20 ସିରିଜର ଅଂଶ ନଥିବା ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଏହି ସିରିଜରେ ଫେରିଛନ୍ତି । ଏହା ସହିତ ଆଇପିଏଲ୍‌ 2024ରେ ପେସ ବୋଲିଂ ସେନ୍ସେସନ ପାଲଟିଥିବା ମୟଙ୍କ ଯାଦବ ପ୍ରଥମ ଥର ପାଇଁ ଟିମ୍ ଇଣ୍ଡିଆରେ ଅନ୍ତର୍ଭୁକ୍ତ ହୋଇଛନ୍ତି । ଏହା ସହିତ କେକେଆର୍‌ର ଷ୍ଟାର ସ୍ପିନର ବରୁଣ ଚକ୍ରବର୍ତ୍ତୀ ଭାରତୀୟ ଦଳରେ ଫେରିଛନ୍ତି । ଏହା ସହିତ ନୀତୀଶ କୁମାର ରେଡ୍ଡୀ, ହର୍ଷିତ ରାଣା ମଧ୍ୟ ଦଳରେ ସ୍ଥାନ ପାଇଛନ୍ତି, ଉଭୟେ ପୂର୍ବରୁ ମଧ୍ୟ ଦଳରେ ସ୍ଥାନ ପାଇସାରିଛନ୍ତି, କିନ୍ତୁ ଏପର୍ଯ୍ୟନ୍ତ ଭାରତ ପାଇଁ ଡେବ୍ୟୁ କରିବାର ସୁଯୋଗ ପାଇ ନାହାଁନ୍ତି । ଏହି ଟି20 ସିରିଜରୁ ଋଷଭ ପନ୍ତ, ଜସପ୍ରୀତ ବୁମ୍‌ରା, ମହମ୍ମଦ ସିରାଜ, ଯଶସ୍ୱୀ ଜୟସ୍ବାଲ ଏବଂ ଶୁବମନ ଗିଲଙ୍କୁ ବିଶ୍ରାମ ଦିଆଯାଇଛି, ଯେଉଁମାନେ ବର୍ତ୍ତମାନ ଟେଷ୍ଟ ସିରିଜ ଖେଳୁଛନ୍ତି ।

India announce their squad for T20Is against Bangladesh 🇮🇳 pic.twitter.com/6dcI9XumKb

— ESPNcricinfo (@ESPNcricinfo) September 28, 2024

ଆଇପିଏଲ୍‌ରେ ପେସ ବୋଲିଂ ସେନ୍ସେସନ ପାଲଟିଥିଲେ ମୟଙ୍କ :-

ପ୍ରଥମ ଥର ଭାରତୀୟ ଦଳରେ ସ୍ଥାନ ପାଇ ଚର୍ଚ୍ଚାକୁ ଆସିଥିବା ସ୍ପିଡଷ୍ଟାର ମୟଙ୍କ ଯାଦବ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) 2024ରେ ନିଜର ପରିଚୟ ସୃଷ୍ଟି କରିଥିଲେ । ସେ ଲକ୍ଷ୍ନୌ ସୁପର ଜିଆଣ୍ଟସ୍ ଦଳ ତରଫରୁ ଆଇପିଏଲ୍ 2024 ଖେଳିଥିଲେ । ଏହି ଅବଧି ମଧ୍ୟରେ ସେ 4 ମ୍ୟାଚ୍‌ ଖେଳି 6.98 ଇକୋନୋମି ଏବଂ 12.1 ହାରାହାରି ସହିତ 4ଟି ମ୍ୟାଚରେ ମୋଟ 7 ୱିକେଟ୍ ନେଇଥିଲେ । ଏହା ପରେ ମୟଙ୍କ ଯାଦବ ଆହତ କାରଣରୁ ସମ୍ପୂର୍ଣ୍ଣ ଆଇପିଏଲରୁ ବାଦ ପଡ଼ିଥିଲେ । ଏହି ସମୟ ମଧ୍ୟରେ ସେ ନିଜର ଚମତ୍କାର ବୋଲିଂ ଏବଂ ଦ୍ରୁତ ଗତିରେ ସମସ୍ତଙ୍କୁ ପ୍ରଭାବିତ କରିଥିଲେ । ସେବେଠାରୁ ପ୍ରଶଂସକମାନେ ତାଙ୍କୁ ଟିମ୍ ଇଣ୍ଡିଆରେ ସୁଯୋଗ ମିଳିବ ବୋଲି ଆଶା କରୁଥିଲେ । ବର୍ତ୍ତମାନ ମୟଙ୍କ ଟିମ୍ ଇଣ୍ଡିଆରେ ପ୍ରଥମ ସୁଯୋଗ ପାଇଛନ୍ତି । ଏବେ ସେ ବାଂଲାଦେଶ ବିପକ୍ଷରେ ଟିମ୍ ଇଣ୍ଡିଆ ପାଇଁ ଅନ୍ତର୍ଜାତୀୟ ପଦାର୍ପଣ କରି ନିଜକୁ ପ୍ରମାଣିତ କରିବାର ସୁଯୋଗ ପାଇବେ ।

ବାଂଲାଦେଶ ବିପକ୍ଷ ଟି20 ସିରିଜ ପାଇଁ ଭାରତୀୟ ସ୍କ୍ବାଡ୍‌ :-

ସୂର୍ଯ୍ୟକୁମାର ଯାଦବ (ଅଧିନାୟକ), ଅଭିଷେକ ଶର୍ମା, ସଞ୍ଜୁ ସାମସନ୍‌ (ୱିକେଟ କିପର), ରିଙ୍କୁ ସିଂହ, ହାର୍ଦ୍ଦିକ ପାଣ୍ଡ୍ୟା, ରିୟାନ ପରାଗ, ନୀତୀଶ କୁମାର ରେଡ୍ଡୀ, ଶିବମ ଦୁବେ, ୱାଶିଂଟନ ସୁନ୍ଦର, ରବି ବିଷ୍ଣୋଇ, ବରୁଣ ଚକ୍ରବର୍ତ୍ତୀ, ଜିତେଶ ଶର୍ମା (ୱିକେଟ କିପର), ଅର୍ଶଦୀପ ସିଂହ, ହର୍ଷିତ ରାଣା, ମୟଙ୍କ ଯାଦବ

ଏହା ମଧ୍ୟ ପଢ଼ନ୍ତୁ :-

ବ୍ୟୁରୋ ରିପୋର୍ଟ, ଇଟିଭି ଭାରତ