ବଲାଙ୍ଗୀର: ସଇଁତଳା ବ୍ଲକ ଅନ୍ତର୍ଗତ ବଡ଼ମାଲ୍ ଫାଣ୍ଡି ଟିମାଗୁରା ଗ୍ରାମ ନିକଟସ୍ଥ ଏକ ଗଛରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି। ମୃତ ଯୁବକ ଜଣକ ନିକଟସ୍ଥ ରେଙ୍ଗାଲୀ ଗ୍ରାମର ଅମିତ୍ ସାହୁ ବୋଲି ପରିଚୟ ମିଳିଛି । ଗତରାତିରୁ ସେ ନିଖୋଜ ଥିବା ବେଳେ ଆଜି ତାଙ୍କ ମୃତଦେହ ଝୁଲନ୍ତା ଅବସ୍ଥାରେ ଉଦ୍ଧାର ହୋଇଛି ।
ଖବର ପାଇ ସଇଁତଳା ଓ ବଡ଼ ମାଲ୍ ପୋଲିସ୍ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛନ୍ତି । ମୃତ୍ୟୁର କାରଣ ଅସ୍ପଷ୍ଟ ରହିଥିବାବେଳେ ତଦନ୍ତ ପରେ ସବୁ ତଥ୍ୟ ସାମ୍ନାକୁ ଆସିବ ବୋଲି ପୋଲିସ କହିଛି । ଚାକିରୀ ନ ମିଳିବାରୁ ଯୁବକ ଜଣଙ୍କ ମାନସିକ ଅବସାଦରେ ଥିବା ମଧ୍ୟ ତାଙ୍କ ପରିବାର ଲୋକେ ସୂଚନା ଦେଇଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
