ବଲାଙ୍ଗୀର: ଶିକାରୀଙ୍କ ଗୁଳିରେ ଜଣେ ବନ କର୍ମଚାରୀଙ୍କ ମୃତ୍ୟୁ । ଘଟଣାଟି ବଲାଙ୍ଗୀର ସଇଁତଳା ବନାଞ୍ଚଳରେ ଘଟିଛି। ଶୁକ୍ରବାର ବିଳମ୍ବିତ ରାତିରେ ସଇଁତଳା ରେଞ୍ଜର ଅଧିକାରୀ ଓ କରମତୁଳା ବନ ଅଞ୍ଚଳର ଅଧିକାରୀ ମାନେ ପଇଁତରା ମାରୁଥିଲେ। ତେବେ କରମତୁଲା ବନାଞ୍ଚଳ ରେଙ୍ଗା ବାହାଲ ଚାରି ଛକ ଠାରେ କିଛି ଶିକାରୀ ବାରହା ଶିକାର କରୁଥିବାର ସୂଚନାପାଇ ଚଢାଉ କରିଥିଲେ କର୍ମଚାରୀ ।
ଶିକାରୀ ଗୁଳିରେ ବନ କର୍ମଚାରୀ ମୃତ
ତେବେ ଶିକାରୀମାନେ କର୍ମଚାରୀଙ୍କ ଉପରକୁ ଗୁଳି କରିବା ସହ ଘଟଣାସ୍ଥଳରୁ ସବୁ ଶିକାରୀ ଫେରାର ହୋଇ ଯାଇଥିଲା । ଏହି ଗୁଳିକାଣ୍ଡରେ କରମତୁଲାର ପାରା ବନ କର୍ମଚାରୀଙ୍କୁ ଗୁଳି ଲାଗିଥିବା ବେଳେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି। ମୃତ ବନ କର୍ମଚାରୀ ଯୁଗେଶ୍ବର ବୁଦେକ ଓ ସେ କରମତୁଲା ଗ୍ରାମର ବୋଲି ଜଣାପଡ଼ିଛି।
ଅନ୍ୟପଟେ ସଇଁତଳା ପୋଲିସ ଏହାର ତଦନ୍ତ ଆରମ୍ଭ କରିଛି । ତେବେ ଏଥିରେ ଜଣେ ଶିକାରୀକୁ ଧରିବାରେ ସଫଳ ହୋଇଛି ପୋଲିସ । ଅନ୍ୟ ଶିକାରୀଙ୍କୁ ଧରିବା ପାଇଁ ଖାନ୍ ତଲାସୀ ଜାରି ରଖିଛି।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିଭି ଭାରତ
