ବଲାଙ୍ଗୀର: ଜିଲ୍ଲାର ରାଜେନ୍ଦ୍ର ସ୍ଵଂୟ ଶାସିତ କଲେଜରେ ଅଗ୍ନିକାଣ୍ଡ । ବିଦ୍ୟୁତ୍ ସର୍ଟ୍ ସର୍କିଟ୍ ଯୋଗୁଁ ଏହି ନିଆଁ ଲାଗିଥିବାର ସୂଚନା ମିଳିଛି । ମଙ୍ଗଳବାର ଦିନ ୧୧ ଟାସମୟରେ ରାଜେନ୍ଦ୍ର କଲେଜ କଳା ବିଭାଗ ତଥା ଏଠିକାର ଆଡମିନିଷ୍ଟ୍ରେଟିଭ ବ୍ଲକର ଉପର ଦ୍ଵିତୀୟ ମହଲାରେ ଏହି ନିଆଁ ଲାଗିଥିଲା ।
ଘଟଣା ବିଷୟରେ ଖବର ପାଇବା ପରେ ବଲାଙ୍ଗୀର ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚିଥିଲେ । ପରେ ପରେ ଅଗ୍ନିଶମ ବିଭାଗର ଦୁଇଟି ଗାଡ଼ି ନିଆଁ ଲିଭାଇବା କାର୍ଯ୍ୟରେ ନିୟୋଜିତ ହୋଇଥିଲେ । କିଛି ସମୟରେ ପରେ ନିଆଁକୁ ଆୟତ୍ତ କରାଯାଇଥିବାବେଳେ ଭିତରେ ଫସି ରହିଥିବା ଦଶ ଜଣଙ୍କୁ ଉଦ୍ଧାର କରାଯାଇଛି ।
ତେବେ କଲେଜର ଯୁକ୍ତ ଦୁଇ ଖାତା ଭାଲୁଏସନ୍ ଚାଲିଥିବାବେଳେ ଏହି ନିଆଁ ଯୋଗୁଁ ତାହା ବାଧାପ୍ରାପ୍ତ ହୋଇଛି । ଏହାସହ ଅଗ୍ନିକାଣ୍ଡରେ ବିଶେଷ କିଛି କ୍ଷତି ହୋଇନଥିବାବେଳେ କେହି ଆହତ ହୋଇନାହାଁନ୍ତି । ତେବେ ଠିକ୍ ସମୟରେ ଉପଯୁକ୍ତ ପଦକ୍ଷେପ ଯୋଗୁଁ ଏକ ବଡ଼ ଅଘଟଣ ତଥା କ୍ଷୟକ୍ଷତିରୁ ରକ୍ଷା ମିଳିଯାଇଛି ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିଭି ଭାରତ
