ବଲାଙ୍ଗୀର: ଜିଲ୍ଲାର କୁରସୁଡ଼ ଗାଁର ଶତାଧିକ ଚାଷୀ 2016ରୁ ବାକି ଥିବା ଫସଲ ବୀମା ଦାବି ନେଇ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିଛନ୍ତି । ଦୀର୍ଘ ଚାରି ବର୍ଷ ହେବ ଏମାନେ ଫସଲ ବୀମା କରି ମଧ୍ୟ ବୀମା ଟଙ୍କା ପାଇଁ ନାହାନ୍ତି । ଏନେଇ ସେମାନେ ଜିଲ୍ଲାପାଳଙ୍କୁ ଲିଖିତ ଜଣାଇବା ସହ ଦାବି ପୂରଣ ନହେଲେ ଆଗକୁ ଆନ୍ଦୋଳନ କରିବେ ବୋଲି କହିଛନ୍ତି ।
ଦୀର୍ଘ ଚାରି ବର୍ଷ ହେବ ଏଠାକାର ଚାଷୀ ଫସଲ ବୀମା କରି ମଧ୍ୟ ବୀମା ଟଙ୍କା ପାଇଁ ନାହାନ୍ତି । ଯେଉଁଥିରେ 2016, 2017 ଓ 2018 ବର୍ଷରେ ଫସଲ ବୀମା ସ୍ଥାନୀୟ ବ୍ୟାଙ୍କରେ କରିଥିଲେ । ଗତ ବର୍ଷରେ ସମ୍ପୂର୍ଣ୍ଣ କୁରସୁଡ଼ ମରୁଡି ଅଞ୍ଚଳ ଘୋଷଣା ହୋଇଥିଲା । ତେବେ ନିୟମ ମୁତାବକ ଚାଷୀ, ବୀମା ଟଙ୍କା ପାଇବାର ହକଦାର ଥିଲେ ସୁଦ୍ଧା ଆଜି ଯାଏଁ କୌଣସି ଟଙ୍କା ପାଇନାହାନ୍ତି ।
ସେହିପରି ଚାଷ ପାଇଁ ଧାର କରିଥିବା ବେଳେ ଏଠି ସେଠୁ ଯୋଗାଡ଼ କରି ଏମାନେ ଫସଲ ବୀମା କରିଥିଲେ । ବୀମା ଟଙ୍କା ପାଇବାର ଯୋଗ୍ୟ ଥିଲେ ସୁଦ୍ଧା ବ୍ୟାଙ୍କ କର୍ତ୍ତୃପକ୍ଷ ଚାଷୀଙ୍କୁ ହଇରାଣ କରିବା ସହ ଚାରି ବର୍ଷ ବିତି ଯାଇଥିଲେ ମଧ୍ୟ ବୀମା ଟଙ୍କା ପ୍ରଦାନ କରି ନାହାନ୍ତି । ଯାହାକୁ ନେଇ ଏମନେ ଜିଲ୍ଲାପାଳଙ୍କୁ ଲିଖିତ ଜଣାଇବା ସହ ଦାବି ପୂରଣ ନହେଲେ ଆଗକୁ ଆନ୍ଦୋଳନ କରିବେ ବୋଲି ସେମାନେ କହିଛନ୍ତି।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
