ବଲାଙ୍ଗୀର: ମାତିଛନ୍ତି ଭଣ୍ଡ ବାବା । ବଶୀଭୂତ କରି ଲୁଟି ନେଉଛନ୍ତି । ଏହିଭଳି ଏକ ଅଭିଯୋଗ ଆସିଛି ବଲାଙ୍ଗୀର ସଇଁତଳାରୁ ।
ମାତିଛନ୍ତି ଭଣ୍ଡ ବାବା; ମଥାରେ ବିଭୂତି ଲଗାଇ ନେଇଗଲେ ଟଙ୍କା, ମୋବାଇଲ
ତେବେ ଏଠି ଥିବା ରମେଶ ମୋବାଇଲ ଦୋକାନକୁ ଦୁଇ ଜଣ ବାବା ପାଣି ପିଇବା ପାଇଁ ଆସିଥିଲେ। ଏବଂ ମାଲିକ ରମେଶଙ୍କ ମୁଣ୍ଡରେ ବିଭୂତି ଲଗାଇ ଥିଲେ । ଯାହାପରେ ରମେଶ ଚେତାଶୂନ୍ୟ ହୋଇ ଯାଇଥିବା ବେଳେ ଭଣ୍ଡ ବାବା ତାଙ୍କଠାରୁ ଟଙ୍କା ଓ ଗୋଟିଏ ମୋବାଇଲ ନେଇ ସେଠୁ ଚମ୍ପଟ ମାରିଥିଲେ।
ତେବେ ମୁହଁ ଧୋଇବା ପରେ ଦୋକାନ ମାଲିକର ଚେତା ଫେରିଥିଲା। ଏବଂ ସିସିଟିଭି ଫୁଟେଜ ଦେଖିବା ପରେ ସେ ଜାଣି ପାରି ସଇଁତଳା ଥାନାରେ ଲିଖିତ ଅଭିଯୋଗ କରିଛନ୍ତି । ସେପଟେ ପୋଲିସ ଏହାର ତଦନ୍ତ କରୁଥିବା ବେଳେ ଏହି ଭଳି ଠକଙ୍କ ପ୍ରତି ସାବଧାନ ରହିବାକୁ ପରାମର୍ଶ ଦେଇଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
