ବଲାଙ୍ଗୀର: ପଞ୍ଚାୟତ ନିର୍ବାଚନକୁ ଆଉ ମାତ୍ର ଦିନ କେଇଟା ଥିବା ବେଳେ ଜିଲ୍ଲାରେ ପ୍ରସ୍ତୁତି ଆରମ୍ଭ କରିଛି ପୋଲିସ । ଏନେଇ ଗତକାଲି ଉତ୍ତରାଞ୍ଚଳ ଡିଆଇଜିଙ୍କ ଅଧ୍ୟକ୍ଷତାରେ ପୋଲିସ ନିର୍ବାଚନୀ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଥିଲା । ତେବେ ସ୍ୱଚ୍ଛ ନିର୍ବାଚନ ପାଇଁ ପୋଲିସ ପକ୍ଷରୁ ବିଶେଷ ପଦକ୍ଷେପ ନିଆଯାଉଛି ଓ ନିର୍ବାଚନ ସମୟରେ ପୋଲିସ ଫୋର୍ସ ମୁତୟନ ନେଇ ପୋଲିସ ସୂଚନା ଦେଇଛି।
ପଞ୍ଚାୟତ ନିର୍ବାଚନ ନେଇ ବଲାଙ୍ଗୀରରେ ପ୍ରସ୍ତୁତି ଆରମ୍ଭ କରିଛି ପୋଲିସ
ନିର୍ବାଚନ କମିଶନଙ୍କ ନିର୍ଦ୍ଦେଶ ଅନୁସାରେ ସବୁ ପଦକ୍ଷେପ ନିଆ ଯାଇଥିବାର ବଲାଙ୍ଗୀର ଏସପି ସୂଚନା ଦେଇଛନ୍ତି । ସେହିପରି ବଲାଙ୍ଗୀର ମାଓ ଅଞ୍ଚଳ ପାଇଁ ବିଶେଷ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଯେଉଁଥିରେ କୁମ୍ବିଂ ଓ ପାଟ୍ରୋଲିଂକୁ ମଧ୍ୟ କଡା କଡ଼ି କରାଯାଇଛି । ସେହିପରି ପ୍ରତ୍ୟେକ ରାସ୍ତାରେ ପୋଲିସ ନାକା ବନ୍ଦୀ କରି କଡା ଯାଞ୍ଚ କରୁଥିବା ଏସ ପି କହିଛନ୍ତି।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
