ବଲାଙ୍ଗୀର: ପାରିପାରିକ କହଳର କରୁଣ ପରିଣତି । ଟାଙ୍ଗିଆରେ ହାଣି ସାନ ଭାଇକୁ ବଡ଼ଭାଇର ହତ୍ୟା । ହତ୍ୟାକାରୀ ବଡ଼ ଭାଇକୁ ଗିରଫ କଲା ପୋଲିସ । ସମ୍ପତ୍ତିକୁ ନେଇ ଥିବା ଗଣ୍ଡଗୋଳ ଯୋଗୁଁ ଏହି ହତ୍ୟା କାଣ୍ଡ ଘଟିଥିବାର ପୋଲିସ କହିଛି । ଗତ ଶନିବାର ରାତି କଣ୍ଟାବାଞ୍ଜି ଥାନା ବେହେରେନସିଲେଟ ଗାଁରେ ଘଟିଥିଲା ଅଭାବନୀୟ ଘଟଣା ।
ନିଜ ସାନ ଭାଇକୁ ବଡ ଭାଇ ଟାଙ୍ଗିଆରେ ଆକ୍ରମଣ କରି ହତ୍ୟା କରିଥିଲା । ଘଟଣା ସ୍ଥଳରେ ସାନ ଭାଇ ଦେବରାମଙ୍କ ମୃତ୍ୟୁ ହୋଇଥିବା ବେଳେ ବଡ ଭାଇ ଶରତ ମାଝୀ ଘଟଣା ଘଟାଇ ଫେରାର ହୋଇଥିଲା । ତେବେ ମୃତ ଦେବାରାମଙ୍କ ସ୍ତ୍ରୀ ଥାନାରେ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଥିଲା । ରାତିରେ ଫେରାର ଥିବା ହତ୍ୟାକାରୀ ବଡ ଭାଇ ଶରତ ହତ୍ୟାରେ ବ୍ୟବହାର କରିଥିବା ଟାଙ୍ଗିଆକୁ ଧରି ଆଜି ଥାନାରେ ଆତ୍ମସମର୍ପଣ କରିଥିଲା ।
ତେବେ ଜମି ବିବାଦ ସହ ପିତୃ ସମ୍ପତ୍ତି ଯୋଗୁଁ ଏହି ହତ୍ୟାକାଣ୍ଡ ଘଟିଥିବା ଆଜି କଣ୍ଟାବାଞ୍ଜି ଥାନାରେ ଟିଟିଲାଗଡ ଏସଡିପିଓ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ସମ୍ମିଳନୀରେ କଣ୍ଟାବାଞ୍ଜି ଥାନା ଅଧିକାରୀ ସହ ଏହି ମାମଲାର ତଦନ୍ତକାରି ଅଧିକାରି ମଧ୍ୟ ଉପସ୍ଥିତ ଥିଲେ । ହତ୍ୟାକାରୀ ବଡ଼ ଭାଇ ଶରତକୁ ଆଜି କୋର୍ଟ ଚାଲାଣ କରାଯାଇଛି ।
ବଲାଙ୍ଗୀରରୁ ଶେଖ ମହହମ୍ମଦ ୱାହିଦ,ଇଟିଭି ଭାରତ
