ବଲାଙ୍ଗୀର: ଗୁଣି ଗାରେଡି ସନ୍ଦେହରେ ୧୩ ପରିବାରକୁ ବାସନ୍ଦ ଘଟଣା । ଏହି ଘଟଣାକୁ ମାସେ ବିତିବାକୁ ଥିବା ବେଲେ ପୀଡିତ ପରିବାର ଏବେ ଅସହାୟ ଅବସ୍ଥାରେ ରହିଛନ୍ତି । ଏବଂ ନ୍ୟାୟ ପାଇଁ ସବୁଠି ଦ୍ବାରସ୍ତ ହୋଇ ନିରାଶ ହୋଇଛନ୍ତି । ସେପଟେ ଏନେଇ ନ୍ୟାୟ ଦାବିରେ ଜିଲ୍ଲା ଯୁବ କନ୍ଧ ସମାଜ ରାଜରାସ୍ତାକୁ ଓହ୍ଲାଇଥିଲେ ।
ବଲାଙ୍ଗୀରରେ ଶତାଧିକ ମହିଳା ପୁରୁଷ ଶସସ୍ତ୍ର ଶୋଭାଯାତ୍ରା କରିବା ସହ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିଥିଲେ । ତେବେ ପୀଡିତ ପରିବାରକୁ ନ୍ୟାୟ ସହିତ ଅଭିଯୁକ୍ତମାନଙ୍କୁ ଖୁବଶିଘ୍ର ଗିରଫ କରିବାକୁ ଦାବି କରିଥିଲେ । ଏବଂ ଦାବି ପୂରଣ ନ ହେଲେ ଏମାନେ ସାରା ରାଜ୍ୟରେ ଆନ୍ଦୋଳନ କରିବେ ବୋଲି ଚେତାବନୀ ଦେଇଛନ୍ତି ।
ସୂଚନା ଅନୁସାରେ, ବଲାଙ୍ଗୀର ସିଂଧେକେଲା ଥାନା ଅନ୍ତର୍ଗତ ନିର୍ମଲା ଗାଁରେ ଗୁଣି ଗାରେଡି ସନ୍ଦେହରେ ବ୍ରଜ ଭୋଇ ଓ ତାଙ୍କ ପରିବାରକୁ ଗତ 5 ତାରିଖରେ ଗ୍ରାମବାସୀ ପ୍ରବଳ ମାଡ ମାରିଥିଲେ । ଏବଂ କଙ୍ଗାରୁ କୋର୍ଟରେ ତାଙ୍କ ପରିବାର ସହ ଅନ୍ୟ 12 ଟି ପରିବାରକୁ ଗାଁରୁ ବାସନ୍ଦ କରିବା ଗାଁରୁ ତଡି ଦେଇଥିଲେ । ଯାହା ଫଳରେ ପୀଡିତ ପରିବାର ଏବେ ଅନ୍ୟ ଏକ ଗ୍ରାମରେ ଏକ କ୍ଲବ ଘରେ ଆଶ୍ରୟ ନେଇଥିବା ବେଳେ ନିଜ ଭିଟାମାଟି ଓ ଘର ଛାଡ଼ି ସେମାନେ ନାହିଁ ନ ଥିବା ଅସୁବିଧାର ସମ୍ମୁଖିନ ହେଉଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
