ବଲାଙ୍ଗୀର: ଓଡ଼ିଶାରେ ବିପର୍ଯ୍ୟସ୍ତ ଆଇନ ଶୃଙ୍ଖଳା ଅଭିଯୋଗ ନେଇ ଆଜି ଜିଲ୍ଲା କଂଗ୍ରେସ କମିଟି ପକ୍ଷ୍ୟରୁ ଗଣଧାରଣା ଦିଆଯାଇଛି । ଏଥିପାଇଁ ଜିଲ୍ଲା କଂଗ୍ରେସ କମିଟି ପକ୍ଷରୁ ଶତାଧିକ କର୍ମକର୍ତ୍ତା ବଲାଙ୍ଗୀର ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଏହି ଗଣଧାରଣାରେ ବସିଛନ୍ତି ।
ରାଜ୍ୟରେ ଆଇନ ଶୃଙ୍ଖଳା ବିପର୍ଯ୍ୟସ୍ତ ସହ ନାବାଳିକା ଓ ମହିଳାଙ୍କ ପ୍ରତି ବଢିଥିବା ଗଣଦୁଷ୍କର୍ମ ପାଇଁ ସରକାର ଦାୟୀ ବୋଲି ଏମାନେ ଯୁକ୍ତି ରଖିଛନ୍ତି । ଏହାସହ ବଲାଙ୍ଗୀର ଜିଲ୍ଲାରେ ମରୁଡି ହୋଇଥିବାବେଳେ ସରକାର ଶୀଘ୍ର ପଦକ୍ଷେପ ନେବା, ବଲାଙ୍ଗୀରର ଲୋୟର ସୁକ ତେଲ ପ୍ରକଳ୍ପ, ବାୟପାସ ନିର୍ମାଣ ମଧ୍ୟ ଶୀଘ୍ର କରିବା ପାଇଁ ଦାବି କରିଛନ୍ତି ।
ସମାନ ଭାବରେ ଏପଟେ ବଲାଙ୍ଗୀରର ରାଜ ପରିବାର 700 ଏକର ଜମି ଚଞ୍ଚକତା କରିଥିବାର ଅଭିଯୋଗ ଆଣି ତାର ତଦନ୍ତ ଦାବି କରିଛନ୍ତି । ଏହାସହ ଏକ ଦାବିପତ୍ର ଜିଲ୍ଲାପାଳଙ୍କ ଜରିଆରେ ରାଜ୍ୟପାଳଙ୍କୁ ପ୍ରଦାନ କରିଛନ୍ତି ତଥା ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରିଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
