ବଲାଙ୍ଗୀର: ସାରା ଦେଶରେ ଚର୍ଚ୍ଚାର ବିଷୟ ପାଲଟିଛି ୟୁପି ହାଥରସ ଦୁଷ୍କର୍ମ ଘଟଣା । ଏମିତିରେ ନିକଟରେ ୟୁପି ପୋଲିସର ରାହୁଲ ଗାନ୍ଧୀଙ୍କ ପ୍ରତି ଦୁର୍ବ୍ୟବହାର ଘଟଣାରେ ମଧ୍ୟ ଜୋର ଧରିଛି ରାଜନୀତି । ଯାହାକୁ ତୀବ୍ର ନିନ୍ଦା କରିବା ସହ ଧାରଣାକୁ ଓହ୍ଲାଇଛି ଜିଲ୍ଲା ଛାତ୍ର କଂଗ୍ରେସ । ଜିଲ୍ଲା ଛାତ୍ର କଂଗ୍ରେସର ଶତାଧିକ ସଦସ୍ୟ ଏହି ଧାରଣାରେ ସାମିଲ ହୋଇ ରାଜରାସ୍ତାକୁ ଓହ୍ଲାଇଥିଲେ ।
ହାଥରସ ଘଟଣାରେ ଧାରଣାକୁ ଓହ୍ଲାଇଲା ବଲାଙ୍ଗୀର ଛାତ୍ର କଂଗ୍ରେସ
ସମ୍ପୃକ୍ତ ଘଟଣାରେ ୟୁପି ପୋଲିସ ଓ ୟୁପି ସରକାରଙ୍କୁ ଦାୟୀ କରିଛନ୍ତି ଛାତ୍ର କଂଗ୍ରେସ ସଦସ୍ୟ । ସମାନ ଭାବରେ କଂଗ୍ରେସର ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀଙ୍କୁ ୟୁପି ପୋଲିସର ଦୁର୍ବ୍ୟବହାର ଓ ତାଙ୍କ ନାଁରେ ପୋଲିସ ମାମଲା ରୁଜୁ କରିବାକୁ ସଦସ୍ୟମାନେ ତୀବ୍ର ବିରୋଧ କରିଛନ୍ତି । ଏନେଇ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥଙ୍କ ଇସ୍ତଫା ଦାବି କରିବା ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଯୋଗୀ ଆଦିତ୍ୟନାଥଙ୍କ କୁଶପୁତ୍ତଳିକା ଦାହ କରିଛନ୍ତି ଉତ୍ୟକ୍ତ ସଦସ୍ୟ ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
