ବଲାଙ୍ଗୀର: ଭୀମ ଭୋଇ ମେଡିକାଲ କଲେଜରେ ଲାଗିରହିଥିବା ଅବ୍ୟବସ୍ଥା ଓ ସମସ୍ୟାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ବିଧାୟକ ନରସିଂହ ମିଶ୍ର । ବିଭିନ୍ନ ସମସ୍ୟାକୁ ନେଇ ମେଡିକାଲ କର୍ତ୍ତୃପକ୍ଷଙ୍କୁ ତାଗିଦ୍ କରିବା ସହିତ ଆଗାମୀ ବିଧାନସଭା ଅଧିବେଶନରେ ସେ ଏହାକୁ ଗୃହରେ ଉପସ୍ଥାପନ କରିବେ ବୋଲି କହିଛନ୍ତି । ତେବେ ଲୋକଙ୍କ ଠାରୁ ବିଭିନ୍ନ ସମସ୍ୟା ଓ ଅବ୍ୟବସ୍ଥା ବିଷୟରେ ଜାଣିବା ପରେ ସେ ଆଜି(ଶୁକ୍ରବାର) ହସ୍ପିଟାଲ ପରିଦର୍ଶନ କରିଛନ୍ତି ।
ବିଧାନସଭାରେ ଉଠିବ ଭୀମଭୋଇ ମେଡିକାଲ କଲେଜ ସମସ୍ୟା ପ୍ରସଙ୍ଗ: ନରସିଂହ ମିଶ୍ର
ଡାକ୍ତର ଅଭାବରୁ ମେଡିକାଲ କଲେଜରେ କିଡନୀ ରୋଗ ଭଳି ଗୁରୁତର ରୋଗରେ ପିଡ଼ିତ ରୋଗୀ ମାନଙ୍କ ପାଇଁ ଜରୁରୀ ଥିବା ଡାଇଲିସିସ୍ ହୋଇପାରୁ ନାହିଁ । ସେହିଭଳି ବିଭିନ୍ନ ରୋଗୀ ମାନଙ୍କର ପାଇଁ ଲମ୍ବା ଲାଇନ ଏକ ମୁଖ୍ୟ ସମସ୍ୟା ଭାବେ ଉଭା ହୋଇଛି । ଏହାଛଡ଼ା ବିନା ନୋଟିସରେ ଡାକ୍ତର ଓ ଅନ୍ୟ କର୍ମଚାରୀ ଛୁଟିରେ ଚାଲିଯିବା ଦ୍ବାରା ଏହି ସମସ୍ୟା ଆହୁରି ଜଟିଳ ହେଉଛି ବୋଲି ବରିଷ୍ଠ ବିଧାୟକ ନରସିଂହ ମିଶ୍ର ଅଭିଯୋଗ କରିଛନ୍ତି ।
ଇଟିଭି ଭାରତ, ବଲାଙ୍ଗୀର
