ବଲାଙ୍ଗୀର: ସଙ୍ଗୀତର ତାଳେ ତାଳେ ଚାଲିଛି ନୃତ୍ୟ। ଏ କୌଣସି ସାଧାରଣ ଲୋକଙ୍କ ନୃତ୍ୟ ନୁହେଁ । ଏହି ଭିଡିଓରେ ଆପଣ ଯାହାଙ୍କୁ ଦେଖୁଛନ୍ତି ସେ ଖୋଦ ଡ଼ାକ୍ତର ଓ ସ୍ବାସ୍ଥ୍ୟ କର୍ମଚାରୀ । ଯିଏ ମେଡିକାଲ ପରିସରରେ ପିପିଇ କିଟ୍ ପିନ୍ଧି ନୃତ୍ୟ କରୁଛନ୍ତି । ଏ ହେଉଛି ବଲାଙ୍ଗୀର କିମ୍ସ କୋଭିଡ ଡାକ୍ତରଖାନାର ଦୃଶ୍ୟ।
କୋରୋନା ରୋଗୀଙ୍କ ପାଇଁ ନାଚୁଛନ୍ତି ସ୍ବାସ୍ଥ୍ୟକର୍ମୀ...
ଏଠାକାର ଡ଼ାକ୍ତର ଓ ସ୍ବାସ୍ଥ୍ୟକର୍ମୀ ନୃତ୍ୟ କରି କୋରୋନା ରୋଗୀଙ୍କ ମନୋବଳ ବଢାଉଛନ୍ତି । ଯାହା ଫଳରେ ଡାକ୍ତରମାନଙ୍କୁ ଚାରିଆଡୁ ପ୍ରଶଂସାର ସୁଅ ଛୁଟୁଛି ।
ପୂର୍ବରୁ ମଧ୍ୟ ଏଠାରେ ଜଣେ 93 ବର୍ଷୀୟ କୋରୋନା ରୋଗୀଙ୍କ ଜନ୍ମଦିନ ପାଳନ କରି ଏମାନେ ଚର୍ଚ୍ଚାରେ ଆସିଥିଲେ। ସେହିପରି ଉତ୍ତମ ସେବାର ଉଦାହରଣ ଦେଇ ଏମାନେ ରୋଗୀଙ୍କ ଖିଅର କରି ମଧ୍ୟ ଚର୍ଚ୍ଚାରେ ଆସିଥିବା ବେଳେ ଏବେ ଏହି ନୃତ୍ୟ କରି ପୁଣି ଏହି ଡାକ୍ତରଖାନା ସମସ୍ତଙ୍କ ଦୃଷ୍ଟି ଆକର୍ଷଣ କରିଛି।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ୍, ଇଟିଭି ଭାରତ
