ବଲାଙ୍ଗୀର: କୋରୋନା ସମୟରେ ଏବେ ପ୍ରତ୍ୟେକ ଗ୍ରାମରେ ମଦ ମାଫିଆ ସକ୍ରିୟ ହୋଇ ଉଠିଥିବା ବେଳେ ବେଆଇନ ମଦ କାରବାର ଜୋର୍ ଧରିଛି । ତେବେ ଏହିଭଳି ବେଆଇନ ଦେଶୀ ମଦ ରନ୍ଧା ଓ ବେପାରର ହବ୍ ପାଲଟିଛି ପାଟଣାଗଡ଼ ବ୍ଲକ ଅନ୍ତର୍ଗତ ରେଙ୍ଗାଲି ଗ୍ରାମ । ଏହି ଗ୍ରାମରେ ଅଧିକାଂଶ ଲୋକ ଏହି ବେଆଇନ କାମକୁ ନିଜର ପେଶା କରି ଚଲିଛନ୍ତି ।
ଅବକାରୀ ବିଭାଗର ଚଢାଉ; ବିପୁଳ ପରିମାଣର ଦେଶୀ ମଦ ଓ ମହୁଲ ପୋଚ ଜବତ, 3 ଗିରଫ
ଏନେଇ ଆଜି ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ପାଟଣାଗଡ଼ ଅବକାରୀ ଉପ ଅଧିକ୍ଷକ, ପାଟଣାଗଡ଼ ତହସିଲଦାର ଓ ବଲାଙ୍ଗୀର ମୋବାଇଲ୍ ଟିମ ମିଳିତ ଭାବରେ ଏହି ଗ୍ରାମରେ ଚଢାଉ କରିଥିଲେ । ଏବଂ କୋଡ଼ିଏ କ୍ୟୁଣ୍ଟାଳ ମହୁଲ ପୋଚ ସହ ଚାରି ଶହ ଲିଟର ଦେଶୀ ମଦ ଜବତ କରିଥିଲେ । ସେହିପରି ଏହି ମାମଲାରେ ଅବକାରୀ ବିଭାଗ ତିନି ଜଣଙ୍କୁ ଗିରଫ କରିଥିବା ସୂଚନା ମିଳିଛି ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିଭି ଭାରତ
