ବଲାଙ୍ଗୀର: କୋରୋନା ବିସ୍ତାର ଏବେ ଅସୀମିତ । ବଲାଙ୍ଗୀର ଜିଲ୍ଲାରେ କୋରୋନା ବଢି ଚାଲିଥିବା ବେଳେ ସ୍ଥାନୀୟ ସଂକ୍ରମଣ ଏବେ ଚିନ୍ତାର ବିଷୟ ହୋଇଛି । ଯେଉଁଥିରେ ମଙ୍ଗଳବାର ପୁଣି ସହର ଓ ଗ୍ରାମଞ୍ଚଳରୁ ସ୍ଥାନୀୟ କୋରୋନା ସଂକ୍ରମଣ ଚିହ୍ନଟ ହୋଇଛି । ତେବେ ମଙ୍ଗଲବାର ପାଞ୍ଚ ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ବଲାଙ୍ଗୀର କଣ୍ଟେନମେଣ୍ଟ ଜୋନ ଟାଲପାଲି ପଦାରୁ ଜଣେ ସ୍ଥାନୀୟ କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି ।
ସମାନ ଭାବରେ ଖପ୍ରାଖୋଲ ବ୍ଲକ ଦେଧର ଗ୍ରାମରୁ ଜଣେ ଓ ବରକାନି ଗ୍ରାମରୁ ଜଣେ ସ୍ଥାନୀୟ କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏହାଛଡା ବଙ୍ଗୋମୁଣ୍ଡାରୁ ଦୁଇ ଜଣ ବାହାର ରାଜ୍ୟ ଫେରନ୍ତା ମଧ୍ୟ କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି । ତେବେ ଏସବୁକୁ ମିଶାଇ ଜିଲ୍ଲାରେ ମୋଟ କୋରୋନା ଆକ୍ରାନ୍ତଙ୍କ ସଂଖ୍ୟା 291ରେ ପହଞ୍ଚିଥିବା ବେଳେ 256 ଜଣ ସୁସ୍ଥ ହୋଇଛନ୍ତି । ସେହିପରି ଏବେ 35 ଜଣ ଆକ୍ଟିଭ ମାମଲା ଭାବରେ ଚିକିତ୍ସାଧୀନ ଥିବାର ଜିଲ୍ଲା ପ୍ରଶାସନ ସୂଚନା ଦେଇଛି ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହୀଦ, ଇଟିଭି ଭାରତ
