ବଲାଙ୍ଗୀର: ଜିଲ୍ଲା ଅବକାରୀ ବିଭାଗ ଚଢାଉ କରି ବିପୁଳ ପରିମାଣର ନକଲି ବିଦେଶୀ ମଦ ଜବତ କରିଛି । ଏଥିସହ ମାମଲାରେ ସମ୍ପୃକ୍ତ 2 ଜଣଙ୍କୁ ଗିରଫ କରିଛି ପୋଲିସ । ବିଶେଷ ସୂତ୍ରରୁ ଖବର ପାଇ ଚଢାଉ କରିଥିଲା ପୋଲିସ ।
ଅବକାରୀ ବିଭାଗର ଚଢାଉ, 175 ଲିଟର ମଦ ଜବତ
ବଲାଙ୍ଗୀରରେ ଲକଡ଼ାଉନ ସମୟରେ ଚାଲିଥିଲା ଖୁଲମ ଖୋଲା ନକଲି ମଦ କାରବାର । ଲାଠଓର ଗ୍ରାମ ହାଟପଦା ପଡ଼ାରେ ଏହି ନକଲି ମଦ କାରବାର ଚାଲିଥିବାର ସୂଚନା ପାଇଥିଲା ଜିଲ୍ଲା ଅବକାରୀ ବିଭାଗ । ଖବର ପାଇ ବଲାଙ୍ଗୀର ସଦର, ପାଟଣାଗଡ଼ ଓ ଲୋଇସିଂହା ଅବକାରୀ ବିଭାଗ ମିଳିତ ଭାବେ ଚଢାଉ କରିଥିଲେ । ଚଢାଉରେ 1 କ୍ୟୁଣ୍ଟାଲ 75 ଲିଟର ନକଲି ବିଦେଶୀ ମଦ ସହ ବିପୁଳ ପରିମାଣର ଦେଶୀ ମଦ ଜବତ କରାଯାଇଛି । ସେହିପରି ମାମଲାରେ ସମ୍ପୃକ୍ତ ଥିବା ପୀତାମ୍ବର ମେହେର ଓ ଗୋପାଳ ମେହେରଙ୍କୁ ଅବକାରୀ ବିଭାଗ ଗିରଫ କରିଛି ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
