ଅନୁଗୋଳ: ନ୍ୟାସନାଲ ଥର୍ମାଲ ପାୱାର ଷ୍ଟେସନ ବା ଏନଟିପିସି(NTPC) ପକ୍ଷରୁ ଆୟୋଜିତ ହୋଇଥିବା ଜାତୀୟ ମହିଳା ଭଲିବଲ ଟୁର୍ଣ୍ଣାମେଟ ଶେଷ ହୋଇଛି । ଅନୁଗୋଳ ଜିଲ୍ଲା କଣିହାଁ ଠାରେ ଥିବା ପ୍ଲାଣ୍ଟର ଖେଳ ପଡିଆରେ ଏହି ଟୁର୍ଣ୍ଣାମେଣ୍ଟ ଖେଳା ଯାଇଥିଲା । ମ୍ୟାଚ ଫାଇନାଲରେ ଛତିଶଗଡ଼କୁ ହରାଇ ଇଷ୍ଟକୋଷ୍ଟ ରେଲୱେ ଚମ୍ପିୟାନ ହୋଇଛି ।
ଇଷ୍ଟକୋଷ୍ଟ ରେଲୱେ ଚମ୍ପିୟାନ
ଯେଉଁଥିରେ ମୋଟ 6ଟି ମହିଳା ଦଳ ଭାଗ ନେଇଥିଲେ । ପାଞ୍ଚ ଟିକିଆ ସେଟ ବିଶିଷ୍ଟ ଫାଇନାଲ ମ୍ୟାଚ ଇଷ୍ଟକୋଷ୍ଟ ରେଲୱେ 3 ଟି ସେଟ ଜିତିଥିବାବେଳେ ଛତିଶଗଡ଼ ମାତ୍ର ଗୋଟିଏ ସେଟ ଜିତିବାର ସକ୍ଷମ ହୋଇଥିଲା ।
ଉଭୟ ଲିଗ ଓ ନକ ଆଉଟ ପର୍ଯ୍ୟାୟରେ ଏହି ମ୍ୟାଚ ସବୁ ଖେଳା ଯାଇଥିଲା । ମ୍ୟାଚ ପରେ ପରେ ଏନଟିପିସିର ବରିଷ୍ଠ ଅଧିକାରୀମାନେ ଯୋଗ ଦେଇ ଚମ୍ପିୟାନ ଓ ରନର୍ସ ଅପ ଦଳକୁ ଟ୍ରଫି ପ୍ରଦାନ କରିଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
