ଅନୁଗୋଳ: କାନ୍ଥ ଭୁଶୁଡି ପଡିବାରୁ ଚାଲିଗଲା ଦୁଇ ଜୀବନ। ପାଇପ କାମ କରୁଥିବା ବେଳେ କାନ୍ଥ ତଳେ ଚାପି ହୋଇ ଜୀବନ ହାରିଛନ୍ତି ଦୁଇ ଶ୍ରମିକ । ଘଟଣା ଘଟିଛି ଜିଲ୍ଲାର ବଅଁରପାଳ ହାଟ ନିକଟରେ। ଘରେ ପାଇପ କାମ କରୁଥିବା ବେଳେ ପାଚେରୀ କାନ୍ଥ ଭୁଶୁଡି ପଡିବାରୁ ଦୁଇ ଜଣ ଶ୍ରମିକଙ୍କ ମୃତ୍ୟୁ ହୋଇଛି ।
ଭିଡିଓ ସୌଜନ୍ୟ- ସମ୍ବାଦଦାତା, ଅନୁଗୋଳ
ମୃତକ ମାନେ ହେଲେ ବୁଢ଼ାପଙ୍କ ଗାଁର ଦିପୁ ପରିଡା ଓ ଗୋବିନ୍ଦପୁର ଗାଁର ତପନ ନାଏକ । ସ୍ଥାନୀୟ ବାସିନ୍ଦା ଗୋପି ସାହୁ ନିଜ ଘରେ ପାଇପ କାମ କରିବାକୁ ଶ୍ରମିକ ମାନଙ୍କୁ ନିୟୋଜିତ କରିଥିଲେ । କାନ୍ଥ ଖୋଲି ପାଇପ ବସେଇବାବେଳେ ହଠାତ କାନ୍ଥ ଭୁଶୁଡି ପଡିଥିଲା। ଫଳରେ ଦୁଇ ଶ୍ରମିକ ଚାପି ହୋଇ ଯାଇଥିଲେ।
ଦମକଳ ବାହିନୀ ଓ ପୋଲିସ ପହଞ୍ଚି ସେମାନଙ୍କୁ ଉଦ୍ଧାର କରିଥିଲେ ମଧ୍ୟ ସେମାନଙ୍କ ମୃତ୍ୟୁ ହୋଇସାରିଥିଲା । ପୋଲିସ ଏହି ଘଟଣାର ତଦନ୍ତ ଜାରି ରଖିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
