ଅନୁଗୋଳ: ଗାଁକୁ ଚୋରି କରିବାକୁ ଆସିବା ପଡିଲା ମହଙ୍ଗା । ଲୋକଙ୍କ ହାତରେ ଧରା ପଡି ନିର୍ଧୂମ ଛେଚା ଖାଇଲେ ୩ ଯୁବକ । ଏପରି ଘଟଣା ଘଟିଛି ଅନୁଗୋଳ ଜିଲ୍ଲାର ଛେଣ୍ଡିପଦାରେ । ଅନୁଗୋଳ ଜିଲ୍ଲା ଛେଣ୍ତିପଦା ଥାନା କୁକୁରପେଟା କୋଡିଏ ମାଇଲ ଛକରେ ଏପରି ଘଟଣା ଦେଖିବାକୁ ମିଳିଛି ।
ଚୋରି କରିବାକୁ ଆସିଥିବା ଛେଚା ଖାଇଲେ ୩ ଯୁବକ
ଚୋରି କରିବାକୁ ଆସି ଲୋକଙ୍କ ହାତରେ ଧରାପଡି ନିର୍ଧୂମ ମାଡ ଖାଇଛନ୍ତି ଏହି ୩ ଯୁବକ । ସୂଚନା ଅନୁସାରେ କୁକୁରପେଟା କୋଡିଏ ମାଇଲ ଛକରେ ଥିବା ୨ ଟି ଦୋକାନରୁ ୩ ଜଣ ଯୁବକ ଚୋରି କରୁଥିଲେ । ଏହି ସମୟରେ ସ୍ଥାନୀୟ ଲୋକଙ୍କ ହାତରେ ଧରା ପଡି ଯାଇଥିଲେ । ଏହାପରେ ଉତ୍ୟକ୍ତ ଲୋକେ ୩ ଜଣଙ୍କୁ ଗୋଟିଏ ବିଦ୍ୟୁତ୍ ଖୁଣ୍ଟରେ ବନ୍ଧି ନିର୍ଧୂମ ମାଡ ମାରିବା ସହ ସେମାନଙ୍କ ନିକଟରୁ ଗୋଟିଏ ଭୁଜାଲି ଏବଂ ଗୋଟିଏ ବାଇକ୍ ଜବତ କରି ପୋଲିସକୁ ଖବର ଦେଇଥିଲେ ।
ଖବର ପାଇ ଛେଣ୍ଡିପଦା ପୋଲିସ ଘଟଣାସ୍ଥଳରେ ପହଁଚି ୩ ଜଣ ଅଭିଯୁକ୍ତଙ୍କୁ ଥାନାକୁ ନେଇ ତଦନ୍ତ ଆରମ୍ଭ କରିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
