ଅନୁଗୋଳ: ବଜ୍ରପାତ ନେଲା ଦୁଇ ଜୀବନ । ଶୌଚ ପାଇଁ ଯାଇଥିବାବେଳେ ବଜ୍ରପାତରେ ଚାଲିଗଲା ଦୁଇ ଯୁବକଙ୍କ ଜୀବନ । ଅନୁଗୋଳ ଜିଲ୍ଲା ନାଲକୋ ମୁଣ୍ଡା ହଟିଙ୍ଗରେ ଘଟିଛି ଏପରି ଘଟଣା ।
ବଜ୍ରପାତ ନେଲା ଦୁଇ ଯୁବକଙ୍କ ଜୀବନ
ଅନୁଗୋଳ ଜିଲ୍ଲା ନାଲକୋ ନଗରର ସିପିପି ପ୍ଲାଣ୍ଟ ନିକଟରେ ବଜ୍ରାଘାତରେ ଦୁଇ ଯୁବକଙ୍କ ମୃତ୍ୟୁ ହୋଇଛି । ମୃତ ଯୁବକ ମାନେ ହେଲେ ସିପିପି, ଟାଙ୍କି ହଟିଂର ରାମଚନ୍ଦ୍ର କିସ ଏବଂ ଦଶରଥ ମୁର୍ମୁ । ଉଭୟ ଟାଙ୍କି ହଟିଂରେ ରହୁଥିବା ବେଳେ ନିକଟସ୍ଥ ପଡିଆକୁ ଶୌଚ ପାଇଁ ଯାଇଥିଲେ । ବର୍ଷା ହେବାରୁ ଏକ ଗଛ ମୂଳରେ ରହିଥିବା ବେଳେ ବଜ୍ରପାତ ହୋଇଥିଲା । ଫଳରେ ଘଟଣା ସ୍ଥଳରେ ହିଁ ଉଭୟଙ୍କ ମୃତ୍ୟୁ ହୋଇଥିଲା ।
ପୁରା ଘଟଣାରେ ସମଗ୍ର ଅଞ୍ଚଳରେ ଶୋକର ଛାୟା ଖେଳିଯାଇଛି । ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚିବା ସହ ଏକ ଅପମୃତ୍ୟୁ ମାମଲା ରୁଜୁ କରିବା ସହ ମୃତ ଦେହ ଦୁଇଟିକୁ ବ୍ୟବଚ୍ଛେଦ ପାଇଁ ଡାକ୍ତର ଖାନା ପଠାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
